Tanym • 14 Tamyz, 2022

Kún gúli

45 ret kórsetildi

Tamyljyǵan tamyzda О́skemennen qaı baǵytqa shyǵa qalsańyz da, joldy jaǵalaı qaýlaǵan kúnbaǵysqa qarap tańǵalar edińiz. Biraq mundaı sulýlyqtyń maýsymy tym qysqa. Kúnbaǵys bir, bir jarym apta ǵana gúl atyp, qulpyryp turady. Sondyqtan da shyǵar, dál osy ýaqytta fotograftar, mobılograftar kúnbaǵys alqabyn arnaıy shyǵyp taspaǵa tartady.

Sap-sary dala. Qyzdyń keste­sindeı kórkem. Bul maıly daqyldyń tuqymy sebilgen soń tez qyltııady, tez kóteriledi. Az ǵana ýaqyt gúl jaryp, jaıqalady. Jaıqalǵan tusyn­da mańaıynan bal aranyń yzyńy jıilep, kóbelekter qonǵyshtaıdy. О́tken-ketken jolaýshylar aıaldap, sýretke túsedi. Gúli túsip, dáni pisken tusta bastary salbyrap, búkireıedi. Bul kezde qustar shoqyp, keskin-kelbetin odan saıyn ketiredi. Erteń dıqan kelip oryp alǵansha súreń tartyp, júdeı beredi. Júdegen saıyn dáni pisedi. Beıne bir adamnyń ǵumyryndaı...

Shyǵys Qazaqstandaǵy egistik al­qabynyń kóbin kúnbaǵys alyp jat­qan sekildi. Bálkim, solaı da shy­ǵar. Aýyl sharýashylyǵy basqarmasy ma­mandarynyń málimetinshe, bıyl 189 myń 571 gektar jerge kúnbaǵys egi­lipti. Az emes. Soǵan qaraı jer­gi­lik­ti jerde maı baǵasy arzandasa deı­siń ǵoı. Kúnbaǵys qambany tolty­ryp, qaltany qampaıtqanymen, topy­­raq­tyń bar nárin soryp alady. Tehno­logııa boıynsha bir ret egilgen aýmaq­­qa úsh-tórt jylǵa deıin qaıtip kún­baǵys egýge bolmaıdy.

Al kúnbaǵystyń tarıhyna úńilsek, eýropalyqtar Amerıkany ashqan kezde Meksıkanyń jazyǵynan basy kúndeı gúlderdi kórgen eken. Áýelde ony «kún gúli» dep atap, keıinnen paıdasyn bilgen. Eýropa-Azııaǵa alǵash osydan 400 jyl buryn kelgen kúnbaǵys búginde Qazaqstannyń Shyǵys, Soltústik óńirlerinde kóptep ósiriledi.

 

Shyǵys Qazaqstan oblysy

Sońǵy jańalyqtar

«Taza Kókjaılaý» aksııasy ótti

Ekologııa • Búgin, 19:11

Nobel ádebıet syılyǵyn Ennı Erno aldy

Ádebıet • Búgin, 17:38

Janar Aıtjan jańa qyzmetke taǵaıyndaldy

Taǵaıyndaý • Búgin, 16:38

Almatyda jer silkinisi tirkeldi

Oqıǵa • Búgin, 15:53

Rýbldi satyp alý 31%-ǵa ósti

Ekonomıka • Búgin, 15:23

Uqsas jańalyqtar