Aımaqtar • 15 Tamyz, 2022

41 jobaǵa – 11,2 mlrd teńge

163 ret kórsetildi

Elimizde buqaranyń áleýmettik ál-aýqatyn jaqsartýǵa serpin beretin «Aýyl – el besigi» jobasy bar. Ulttyq ekonomıka vıse-mınıstri Baýyrjan Omarbekovtiń málimetinshe, bıyl osy jobamen Atyraý oblysynyń 30 aýylynda áleýmettik nysandar men jol salý sekildi 41 jobany iske asyrýǵa 11,2 mlrd teńge bólingen.

Máselen, sońǵy on jylda Jyly­oı aýdanynyń ortalyǵy – Qul­sary qalasynyń ınfra­qu­ry­­ly­myn da­mytýǵa shamamen 10 mlrd teńge qara­lyp­ty. Alaıda atal­ǵan monoqalada birqatar prob­lema áli sheshimin tappaı otyr.

– Qulsary qalasynda sýmen qamtý men jol máselesi ótkir tur. Jalpy shahardyń ınfra­qurylymyn jaqsartýǵa jet­­kilikti qarajat bólinip jatyr. Bul qalanyń eń ózekti prob­lemalaryn birtindep sheshý­ge múm­kindik berdi, – deıdi B.Omar­bekov.

Mınıstr orynbasarynyń aıtýyn­sha, Qulsary qalasynda eńbek na­ry­ǵy men shaǵyn jáne orta bıznesti damytýǵa qa­tys­ty teris úrdister áli joıylmaı keledi. Munda jumyspen qam­tylǵan adamdardyń sany az. Qu­rylys jumystarynyń kólemi tómen­degen.

Jylyoı aýdanynyń ákimi Jumabek Qarajanovtyń piki­rine qaraǵanda, ınfra­qury­lymdardy damytý men áleý­met­tik nysandar salýǵa qatysty birneshe jobany iske asyrý josparlanyp otyr. Onyń ishinde Qulsary qalasynda emhanalar men balabaqshalar, mektepter, turǵyn úıler, sý qubyrlary men jol salý kózdelgen.

Atyraý oblysynyń áleý­met­tik-ekonomıkalyq da­mýy­nyń keshendi jos­paryn iske asyrýǵa ar­nalǵan ke­ńes­ke qatysqan mı­nıstrdiń orynbasary birneshe usy­nys berdi. Eń bastysy, bıyl­ǵa josparlanǵan is-shara­lar­dy sapaly oryndaý.

Qazir Atyraý qalasyndaǵy Balyqshy shaǵyn aýdanynan Zaroslyı aýyly aralyǵyndaǵy avtomobıl jolyn qaıta jań­ǵyr­tý jumysy jalǵasyp jatyr. Joldyń jalpy uzyndyǵy – 5,7 shaqyrym. Jańǵyrtý ju­mys­tarynyń nátıjesinde jol sapasyn, kólik qatynasyn jaq­sartýǵa múmkindik beredi. Jalpy quny 3,6 mlrd teńgeni quraıtyn joba osy jyldyń sońyna deıin aıaqtalady.

Al Mahambet aýdanynyń ortalyǵy – Mahambet aýylyn­da 600 oryndyq mektep-ın­ter­nattyń qurylysy qolǵa alyn­ǵan. Jańa bilim uıasyn aldaǵy jyldyń sáýir aıynda paı­da­la­nýǵa berý josparlanǵan. Jo­baǵa sáıkes, jańa mektepte fýt­bol alańy, basketbol, voleıbol, gımnastıka jáne tennıske arnalǵan sport zaldary qarastyrylǵan.

 

Atyraý oblysy

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar