Aımaqtar • 15 Tamyz, 2022

Dostyq besigi

59 ret kórsetildi

Koreı halqynyń qazaqqa degen qurmeti bólek. Ásirese ata-babalary ker zamanda Jetisý jurtyn panalaǵan olar kúni búginge deıin dostyq peıilin tógip keledi. Soǵan oraı Qaratal aýdanyna qarasty Bastóbe aýylynda Ońtústik Koreıa jurt­shylyǵynyń atynan «Dostyq» moný­menti men memorıaly ashyldy.

Saltanatty jıynǵa Jetisý oblysynyń qoǵam­dyq damý basqarmasy basshysynyń mindetin atqa­rýshy Bolat Kerimbek, Qaratal aýdanynyń ákimi Erlan Isabekov jáne Ońtústik Koreıanyń Qazaqstandaǵy Bas konsýly Pak Nechhon qatysty.

Otyz jyl ishinde eki el arasynda ekonomıkalyq jáne mádenı-rýhanı baılanystar ornyǵyp úlger­di. Osy sapar aıasynda Bas konsýl Pak Nechhon bas­taǵan delegasııa aýdan halqymen, koreı etnosy ókil­derimen kezdesti. Kezdesýde sóılegen sózinde Pak Nechhon: «Men óz atymnan jáne Koreıa memleketiniń atynan Qazaqstan halqyna rahmet aıtamyn. Biz Qazaq­stan Respýblıkasyn, sonyń ishinde Qaratal aýdany Úshtóbe qalasyn qasıetti de kıeli aımaq retinde qurmetteımiz, sondaı-aq bizdiń altyn besi­gimiz dep sanaımyz. О́ıtkeni bul jer qıyn-qys­taý kezeńde týǵan jerinen Qazaqstanǵa jer aýda­ryl­ǵan otandastarymyzdy qorǵap, olardyń ósip-órken­de­ýine kómegin tıgizdi. Eki el arasyndaǵy dostyq qa­rym-qatynas odan ári nyǵaıa bersin», dedi Bas konsýl.

Kúni keshe A.Pýshkın atyndaǵy mektep ǵıma­ratynda koreıalyq NIoNDE klınıkasy men Chýnan ýnıversıtetiniń dárigerleri qarataldyqtar úshin ortopedııa, travmotologııa, hırýrgııa, neırohırýr­gııa, nevrologııa, alǵashqy medısınalyq kómek baǵyttary boıynsha qabyldaý jasaǵan edi. Dál osyn­daı dárigerlik keńes berý sharasy Taldyqor­ǵandaǵy kóp­salaly aýrýhanasynda da júrgizilgen. Mereıli jylǵa arnalǵan sharalar legin Bastóbede koreı halqynyń atynan «Dostyq» monýmenti men memorıalynyń saltanatty ashylýy túıindedi. Osy arada mektep oqýshylary arasynda «Dostyq» taqyrybynda ótken baıqaýdyń qorytyndysy shyǵarylyp, jeńimpazdary marapattaldy.

 

Jetisý oblysy

Sońǵy jańalyqtar

Ekibastuzda 40-tan astam úıge sý berilmegen

Aımaqtar • 02 Jeltoqsan, 2022

Erbolat Dosaev Almaty qalasynyń ákimi qyzmetinde qaldy

Taǵaıyndaý • 02 Jeltoqsan, 2022

QazaqGaz dırektorlar keńesiniń quramy ózgerdi

Qazaqstan • 02 Jeltoqsan, 2022

Máýlen Áshimbaev Qytaı halqyna kóńil aıtty

Parlament • 02 Jeltoqsan, 2022

Meksıkada 200-ge jýyq adam ýlanyp qaldy

Álem • 02 Jeltoqsan, 2022

Shekarany búkil el qorǵaıdy

Qoǵam • 02 Jeltoqsan, 2022

Aıdos Erbosynuly aýrýhanadan shyqty

Boks • 02 Jeltoqsan, 2022

Uqsas jańalyqtar