ShQO Polısııa departamentiniń baspasóz qyzmeti habarlaǵandaı, 2010 jyly týǵan Tamırlan Ahmedjanov 14 tamyzǵa qaraǵan túngi saǵat 02:30 shamasynda úıinen shyǵyp ketip, qaıtyp oralmaǵan.
Balanyń týystary 14 tamyzda kúndiz polısııa kómegine júgingen.
«Polısııa qyzmetkerleri dereý jedel-izdestirý jumystaryna kiristi. Sonymen qatar izdeýge qutqarýshylar, kınologtar, QR Ulttyq Ulany sarbazdary men volonterler jumyldyrylǵan. Qazir olar úıler men aýlalardy aralap tekserýde. Kvadrokoptermen de izdeý jumysy júrip jatyr», delingen aqparatta.
Balanyń ústinde kók jempir, kamýflıajdy shalbar, jasyl tápishke bolǵan. Tártip saqshylary ol jaıly qandaı da bir aqparat biletinderge polısııaǵa habar berýin suraıdy.
Bala turatyn Sogra aýylynda eriktiler taratqan paraqshada onyń aýtıst ekeni, sóıleı almaıtyny jáne epılepsııamen aýyratyny kórsetilgen.
