«Balany mektepke jınaıyq» aksııasy partııalyq «Baqytty otbasy» jobasy aıasynda dástúrli túrde ótkiziledi. Onyń basty maqsaty – kópbalaly jáne az qamtylǵan otbasylarǵa balalaryn 1 qyrkúıekke deıin mektepke daıyndaýǵa kómektesý.
Aksııaǵa partııanyń Ortalyq apparaty men aımaqtyq fılıaldarynyń qyzmetkerleri, partııa depýtattary, bastaýysh partııa uıymdarynyń músheleri jáne qarapaıym azamattar qatysady.
Aksııa aıasynda el aýmaǵyndaǵy 30 myńnan astam bala jańa oqý jylyna arnalǵan jıyntyqtar alady dep josparlanyp otyr. Iаǵnı, olarǵa mektep formasy, oqýlyqtar men keńse taýarlary salynǵan rıýkzaktar tabystalady.
Máselen, búgin Pavlodarda partııalyqtar alty balany jalǵyz ózi tárbıelep otyrǵan Valentına Grıgorevanyń shańyraǵyna bardy.
«Balalar tez ósedi ǵoı. Jyl ótken saıyn olardy jańa oqý jylyna daıyndaý qıynǵa soǵyp barady. О́tken aptada partııaǵa júgingen bolatynmyn. Búgin qajet zattyń bárin alyp keldi», dedi kópbalaly ana Valentına Grıgoreva.
Al О́skemende amanattyqtar Múshelbaevtar otbasyna bardy. Erbol jáne Ásel esimdi erli-zaıyptylar tórt bala tárbıelep otyr. Sondyqtan jańa oqý jyly qarsańynda partııa kómegi ýaqtyly qoldaý boldy.
«Kóbalaly otbasylar úshin balaqaılardy jańa oqý jylyna daıyndaý – úlken júkteme. Partııanyń mundaı bastamasy biz úshin qomaqty qoldaý», dedi kópbalaly ana Ásel Múshelbaeva.
