Elbasy Nursultan Nazarbaev Astanada Qazaqstan Qarýly Kúshteriniń saltanatty áskerı sherýinde táýelsiz elde turýǵa, beıbit ómir súrýge múmkindik syılaǵan, tarıhta qaıtalanbas orny bar qaharman, erjúrek batyrlardy nasıhattaý jóninde tapsyrma júktedi. Memleket basshysynyń sózimen úndesken úlken shara Shyǵys óńirinde ótti.
О́skemende qazaq halqynyń áıgili qolbasshysy, el men jerdi jaýdan azat etýde aty ańyzǵa aınalyp, «Han batyr», «Daraboz» atanǵan Qabanbaı babaǵa úlken eskertkish qoıyldy. Otan qorǵaýshy kúninde oblys ortalyǵyna kireberis jol shetindegi bıik qyratta saltanatty túrde ashylǵan batyr baba músini Qýbas atymen birge asqaqtap, kórgen jannyń rýhyn janydy.
Qoladan quıylǵan eskertkishtiń bıiktigi – 13 metr. Eskertkish avtory – belgili músinshi Nurlan Dalbaı. Astana qalasyndaǵy «Balqytý» JShS-inde quıylǵan eskertkishti quıý men ornatý jumystaryna respýblıkalyq bıýdjetten 105 mıllıon teńge bólingen bolatyn. Sondaı-aq, eskertkish mańaıyn kóriktendirý, abattandyrý jumystaryna qala bıýdjetinen 30 mıllıon teńge bólindi.
Eskertkishtiń ashylý saltanatyna oblys ákimi Berdibek Saparbaev bastaǵan óńir jurtshylyǵymen birge, Mádenıet mınıstrliginiń jaýapty hatshysy Qýatjan Ýálıev, Memlekettik syılyqtyń laýreattary: aqyn Ulyqbek Esdáýlet pen Nesipbek Aıtuly, Qabanbaı batyr kesenesiniń shyraqshysy, professor Kamal Abdrahman jáne Almaty oblystyq máslıhatynyń hatshysy Ermek Kelemseıit bastap Jetisý jerinen arnaıy kelgen delegasııa qatysty.
Dýman ANASh,
«Egemen Qazaqstan».
Tájin kıip dańqtyń
Nesipbek AITULY, Memlekettik syılyqtyń laýreaty. Kóterildi ór tulǵań tas tuǵyrǵa taǵy da, Týǵan ulsyń, Er baba, qazaǵyńnyń baǵyna! Tájin kıip dańqtyń, tońyn buzyp tarıhtyń, Batyrlyqtyń ózińsiń qonǵan altyn taǵyna. Kókteı ótip jyldardy daýyldatyp basylǵan, Seniń atyń kóshedi ǵasyrlarǵa ǵasyrdan. Tulparyńnyń dúbiri qulaǵynda dáýirdiń, Qalyń jaýdy tóńkerip Altaı taýdan asyrǵan. Qasiretti alastap, qııanatty qaqpaılap, Halqyń otyr baqyttyń beldeýine at baılap, Bostandyǵyn qazaqtyń bar álemge áıgilep, Seniń rýhyń – tóbemde jelbiregen Kók baıraq! Aıbat shegip dushpanǵa el-jurtyńa qas qylǵan, Tura berer qasqaıyp qasıetti tas tulǵań! Jelep-jebep qoldadyń – urpaǵyńdy qorǵadyń, Jeltoqsanda keshegi janaryna jas tunǵan!.. Jamaǵatty jınalǵan jalt qaratyp sózime, Arýaǵyńdy shaqyrsam, kóriner me kózime?! Atameken tósinde alshań basqan alańsyz, Búkil qazaq qaryzdar máńgi-baqı ózińe!..
