Belgili bolǵandaı, er azamat balalarmen birge Ertistiń Shyǵys kentindegi Semıpalatınka degen bóligin keship ótýdi kózdegen.
«Bul aýmaqta ózen sýy taıaz bolǵanymen balalardyń biri abaısyzda oıpatqa túsip, ony aǵynmen negizgi arnaǵa tartyp ákete bastaǵan», dep habarlady Semeı qalalyq TJB.
Er adam osy sátte kómekke asyǵyp, balany taıaz sýǵa ıterip úlgeredi. Alaıda bul kezde ekinshi bala da tereń sýǵa bata bastaıdy.
Ony qutqarýǵa umtylǵanda ókinishke qaraı kóp mólsherde sý jutyp jaǵaǵa shyǵa almaı qalady. Abyroı bolǵanda, 2008 jylǵy bala ózennen óz kúshimen shyǵyp, jany aman qalǵan.
Balalar er adamdy sýdan shyǵaryp, alǵashqy shuǵyl kómekti kórsetýge tyrysqan. Osy kezde jaqyn mańnan jergilikti turǵyndar da kelip, jedel járdem men qutqarýshylardy shaqyrǵanymen er azamat qaıtys bolyp ketken.
