«Energııa óndirýshi uıymdardyń (EО́U) shekti tarıfteriniń qazirgi deńgeıi stansııalardyń shyǵyndaryn tolyq kólemde jappaıdy. Bul derekter elektr qýattarynyń avarııalyq isten shyǵýynyń, tutynýshylardy elektrmen jabdyqtaý sapasynyń tómendeýiniń, sondaı-aq Qazaqstannyń birtutas elektr energetıkalyq júıesiniń qaýipsiz jumysynyń táýekelderi artyp kele jatqan jaǵdaılarymen rastalady», dedi Jandos Nurmaǵanbetov.
Byltyrǵy sáıkes kezeńmen salystyrǵanda, tehnologııalyq isten shyǵý deńgeıi 20 paıyzǵa artty.
«Jalpy, aldaǵy jylytý maýsymyna daıyndyq shtattyq rejımde júrgizilip keledi. Júıelik operator bekitken Elektr stansııalaryndaǵy jóndeý kestesine sáıkes, 2022 jyly 9 energoblokty, 60 qazandyq jáne 42 týrbınany kúrdeli jóndeý josparlanǵan. Búginde 2 energoblokta, 14 qazandyq pen 11 týrbınada jóndeý jumystary aıaqtaldy. 4 energoblokta, 38 qazandyqta jáne 18 týrbınada jóndeý jumystary júrgizilip jatyr», dedi vıse-mınıstr.
