Shyǵys óńirindegi barsha ult pen ulys ókilderi Rıdder qalasynda bas qosty. Onda elimizdegi birlik pen berekeni pash etken «Bir shańyraq astynda» atty dostyq forýmy ótti. Shyǵys óńirindegi Qazaqstan halqynyń birligi merekesine bıyl 50 myńnan astam adam qatysty. Bul – turaqtylyq pen ultaralyq tatýlyqty barshanyń qalaıtynyn, beıbitshilikke múddeli ekenin baıqatady.
Atalǵan mereke elimizdiń ár azamatynyń, ár muǵalimniń, ár kenshiniń, ár oqýshynyń memlekettiń tutastyǵy men turaqtylyǵyn, birligin saqtaýǵa úlken úles qosa alatynyn, ıaǵnı qoǵam damýynda ózindik orny mańyzdy ekenin sezindirdi.
Forým barysynda Qazaqstan halqy Assambleıasynyń «Birlik» medalimen «Ararat» etnomádenı birlestiginiń tóraǵasy Iýrık Varjapetıan marapattaldy. Sonymen birge, elimizdegi ultaralyq kelisimdi nyǵaıtýǵa qosqan úlesi úshin Dostyq úılerine Qazaqstan halqy Assambleıasynyń qurmet gramotalary men 2 mıllıon teńgege jýyq qarjylaı syılyq tapsyryldy.
– Men kóptegen jyldar boıy osy etnoortalyqqa jetekshilik etip kelemin. Búgingi marapat men úshin úlken abyroı. Kúnnen-kúnge órkendep, kórkeıip kele jatqan elimizge memlekettik Týymyzdyń túsindeı ashyq ta jarqyn aspan tileımin. Qazaqstanda kóptegen ult ókilderi tatý-tátti turady. Ulttar men ulystardyń ózara birligi, tonnyń ishki baýyndaı bolýy barlyǵymyzdy qýantady. Sońǵy ýaqytta alysty aıtpaǵanda, jaqyn elderde saıası turaqsyzdyqqa bastaǵan túrli oqıǵalardy kórip otyrmyz. Sondyqtan, Elbasymyzdyń elimizdi aırandaı uıytyp otyrǵan eren eńbegin joǵary baǵalaımyz, – dedi Iý.Varjapetıan.
Aıta ketken lázim, atalǵan forým bir shańyraq astynda eńbek etip jatqan, ıaǵnı oblystaǵy barlyq etnomádenı birlestikterdiń, aýdan ákimdikteri ókilderiniń, Dostyq úıleri basshylarynyń basyn qosty.
Forým qatysýshylarynyń biri, belsendi rıdderlik jas Andreı Kýrsantov elimizdiń halqy – bir, shańyraǵy – ortaq ekenin jetkizip, barsha qazaqstandyqtardy dostyqtyń joǵary bıik úlgisin kórsetýge shaqyrdy. On ekinshi márte uıymdastyrylǵan Dostyq forýmy sońynda «Ladýshkı», «Shyǵys juldyzdary», «Dıversıs» syndy etnomádenı birlestikterdiń shyǵarmashylyq toptary óz ónerlerin pash etti.
Dýman ANASh,
«Egemen Qazaqstan».
Shyǵys Qazaqstan oblysy,
Rıdder qalasy.
Atalǵan mereke elimizdiń ár azamatynyń, ár muǵalimniń, ár kenshiniń, ár oqýshynyń memlekettiń tutastyǵy men turaqtylyǵyn, birligin saqtaýǵa úlken úles qosa alatynyn, ıaǵnı qoǵam damýynda ózindik orny mańyzdy ekenin sezindirdi.
Forým barysynda Qazaqstan halqy Assambleıasynyń «Birlik» medalimen «Ararat» etnomádenı birlestiginiń tóraǵasy Iýrık Varjapetıan marapattaldy. Sonymen birge, elimizdegi ultaralyq kelisimdi nyǵaıtýǵa qosqan úlesi úshin Dostyq úılerine Qazaqstan halqy Assambleıasynyń qurmet gramotalary men 2 mıllıon teńgege jýyq qarjylaı syılyq tapsyryldy.
– Men kóptegen jyldar boıy osy etnoortalyqqa jetekshilik etip kelemin. Búgingi marapat men úshin úlken abyroı. Kúnnen-kúnge órkendep, kórkeıip kele jatqan elimizge memlekettik Týymyzdyń túsindeı ashyq ta jarqyn aspan tileımin. Qazaqstanda kóptegen ult ókilderi tatý-tátti turady. Ulttar men ulystardyń ózara birligi, tonnyń ishki baýyndaı bolýy barlyǵymyzdy qýantady. Sońǵy ýaqytta alysty aıtpaǵanda, jaqyn elderde saıası turaqsyzdyqqa bastaǵan túrli oqıǵalardy kórip otyrmyz. Sondyqtan, Elbasymyzdyń elimizdi aırandaı uıytyp otyrǵan eren eńbegin joǵary baǵalaımyz, – dedi Iý.Varjapetıan.
Aıta ketken lázim, atalǵan forým bir shańyraq astynda eńbek etip jatqan, ıaǵnı oblystaǵy barlyq etnomádenı birlestikterdiń, aýdan ákimdikteri ókilderiniń, Dostyq úıleri basshylarynyń basyn qosty.
Forým qatysýshylarynyń biri, belsendi rıdderlik jas Andreı Kýrsantov elimizdiń halqy – bir, shańyraǵy – ortaq ekenin jetkizip, barsha qazaqstandyqtardy dostyqtyń joǵary bıik úlgisin kórsetýge shaqyrdy. On ekinshi márte uıymdastyrylǵan Dostyq forýmy sońynda «Ladýshkı», «Shyǵys juldyzdary», «Dıversıs» syndy etnomádenı birlestikterdiń shyǵarmashylyq toptary óz ónerlerin pash etti.
Dýman ANASh,
«Egemen Qazaqstan».
Shyǵys Qazaqstan oblysy,
Rıdder qalasy.
