Tatýlyq tuǵyryn bekemdeı beremiz

Qazaqstan halqy Assambleıasynyń «Qazaqstan-2050» Strategııasy: beıbitshilik, rýhanııat jáne kelisim mádenıeti» atty HHI sessııasynda aldaǵy ýaqytta elimizdegi ultaralyq tatýlyqty, turaqtylyqty nyǵaıtý jolynda, birligimizdi bekemdeýge baılanysty tapsyrmalar júkteldi. Keler jyl «Qazaqstan halqy Assambleıasynyń jyly» dep jarııalandy. Birligimiz –jarasymdy, maqsatymyz – aıqyn. Oblys ortalyǵyndaǵy Dos­­tyq úıinde ótken jıynǵa óńiri­mizdegi barlyq etnomádenı bir­lestikterdiń, jastar qurylymdary men ardagerler keńesi, qoǵamdyq jáne dinı uıymdardyń ókilderi qatysty. Mysaly, Jelezın aýdanyndaǵy «Neýpokoev» sharýa qojalyǵynyń basshysy Vladımır Neýpokoevtiń aıtýynsha, tyń ıgerý kezinde kelgen ata-anasy qazaq jerine baýyr basyp qalypty.Urpaq jalǵasty. Aýylda kóktemgi naýqan bastaldy, jumys, sharýa qojalyǵynda bári de kúndiz-túni eńbek etýde. Aqsý qalasy «Slavıan» etno­mádenı birlestiginiń tóraıymy Valentına Soldatkına aldaǵy ýaqytta Aqsý qalasynda da Dostyq úıi boı kótermekshi ekenin, onyń Assambleıa jumysyna serpin, jiger qosary anyq ekenin, bul jańalyqqa qýanyshty ekenin jetkizdi. Al oblystyq cheshen-ıngýsh etnomádenı birlestiginiń belsendi múshesi Haba Mahmudova da saıası qýǵyn-súrginge ushyraǵan, qazaq jerinen tynyshtyq tapqan ulttyń urpaǵy eken. Úlkender bizge ylǵı da «Qazaq jurtyn qurmetteńder! Baýyrymyz dep bilińder!» dep tárbıelep, amanat aıtyp ketti.Sondyqtan, amanatqa daq túsirmeımiz, Assambleıanyń bolashaq balalary ósip keledi, deıdi bizben áńgimesinde. Oblys ákimi Qanat Bozymbaev óz baıandamasynda elimizdegi biregeı qoǵamdyq ınstıtýttyń úlgi alarlyq qyzmetterin aıtyp ótti. Elbasy oblystardaǵy Qazaqstan halqy Assambleıasynyń aldaǵy atqarar mindetterin jaqsartýdy, óńirdegi ultaralyq turaqtylyqty saqtaý baǵytynda belsendi, júıeli jumys jasaý kerektigin eskertken bolatyn: – Birinshiden, oblystyq Qa­zaqstan halqy Assambleıasy jumy­syna uıymdastyrý jáne qarjylyq jaǵynan qoldaý kórsetiledi. Bul baǵytqa jyl saıyn jergilikti bıýdjetten 20 mıllıon teńgeden astam qarajat bólinip keldi. Bir­les­tik jetekshilerine granttar taǵa­ıyndalady, ulttyq kıimder tigýge qosymsha qarjy beriledi. Ekinshiden, qazaq tilin jáne ózge etnostardyń tilderin damytý qajet. Úshinshiden jastarǵa patrıottyq, toleranttylyq tárbıe berýge jumylý basty nazarda. Tórtinshiden, ultaralyq kelisim taqyrybyndaǵy ǵylymı-zertteý jumystaryna kóńil bólinse, besinshiden, aqparattyq-nasıhat, belsendilik qajet, –degen edi oblys ákimi. Al, bul kúnderi Sultanmahmut Toraıǵyrov atyndaǵy ýnıversı­tet­te de stýdenttik assambleıa­ ja­­ny­nan arnaıy kafedra ashyl­­­dy. Jáne de Dostyq úıi janyn­­daǵy «Medıa-ortalyqta» «Shańy­raq» atty gazet shyǵady. Jıyn­da oblystaǵy Ertis, Maı, Ýspen, Baıa­naýyl aýdandarynda jergilikti assambleıanyń aýdan ortalyqtaryndaǵy fılıaldaryn ashýǵa tapsyrma berildi. Memlekettik til – qazaq tilin úırenýshi oqýshy balalar úshin jazǵy kanıkýl kúnderi lıngvıstıkalyq lager jumysyn bastamaqshy. О́ńirde ómir súrip jatqan túrli etnostardyń má­de­nı qundylyqtaryn, salt-dás­túrlerin tanystyrý jolynda etno­týrızm, «Úsh tuǵyrly til» baǵ­darlamalaryn júzege asyrý maq­satynda týrıstik marshrýttar jolǵa shyǵyp, balalarǵa arnalǵan kitap­tar, sózdikter jaryq kóredi. Jıyn barysynda Q.Bozymbaev ultaralyq kelisim men tatýlyqty nyǵaıtý isine úles qosyp júrgen, bizdiń gazetimizdiń ótkendegi bir sanynda suhbat bergen «El­pıda» grek etnomádenı birles­ti­giniń tóraıymy Lıýdmıla Ifan­dopýloǵa Elbasy Nursultan Nazarbaevtyń atynan QHA-nyń qoǵamdyq «Birlik» altyn medalin tabystady. Farıda BYQAI, «Egemen Qazaqstan». Pavlodar oblysy.