Juqpanyń taralý joldarynyń anyqtalý kórsetkishi – 79,2 paıyz, onyń ishinde júz paıyz taǵam arqyly órshýde. Tarqatyp aıtsaq, 94,7 paıyzy úı jaǵdaıynda daıyndalǵan taǵam arqyly, 3,5 paıyzy jemis-jıdek, 1,8 paıyzy basqalarmen baılanys kezinde juǵýda. Taǵam arqyly berilýde úı jaǵdaıynda daıyndalǵan, jýylmaǵan jemis-jıdekter jáne tońazytqyshsyz saqtalǵan azyq-túlik basty faktor bolýda. Esepti kezeńde oblys boıynsha berilý faktorlary qarbyz jáne balmuzdaqpen baılanysty jaǵdaılar tirkelgen joq.
Jiti ishek juqpalary (JIJ) – ártúrli mıkroorganızmdermen shaqyrylatyn, asqazan-ishek joldaryn zaqymdaıtyn kóptegen aýrýdyń toby. Onyń belgileri: ishtegi aýrý sezimi, júrek aıný, qusý, qaltyraý, dene qyzýynyń kóterilýi, ishtiń ótýi, al aýyr jaǵdaılarda – sýsyzdaný. Aýrýdyń birinshi belgileri baıqalǵanda dárigerlik kómekke júginińiz, óz betińizshe emdelýmen aınalyspańyz.
Al KVI-ge qarsy sharalar aıasynda búginde Jetisý oblysynda vaksınanyń alǵashqy dozasyn alǵandar sany 318 705 adamǵa jetti, bul ımmýndaýǵa jatatyn eresek turǵyndardyń 82,8 paıyzyn quraıdy. Al ekinshi komponentti 306 569 azamat aldy.
Sonymen qatar oblysta revaksınalaý boıynsha belsendi jumys júrgizilýde. 15 tamyzdaǵy statıstıka boıynsha, óńirde revaksınalaý kýrsynan 139 649 adam ótti, ıaǵnı 62,4 paıyz. Onyń ishinde 29 284 adam Pfizer-den Komırnatı vaksınasymen qaıta vaksınalandy.
Osy vaksınamen ımmýndaý jumystary jasóspirimder, júkti jáne bala emizetin áıelder arasynda da jalǵasýda. Búginde vaksınalanǵan halyq sany 34 973 adamdy quraıdy, onyń ishinde 24 788 jasóspirim, 1 068 júkti áıel jáne laktasııa kezeńindegi 5 261 áıel bar. Vaksınanyń ekinshi komponentin 33 749 azamat aldy. Onyń ishinde 12-17 jas aralyǵyndaǵy jasóspirimder – 24 038 bolsa, 1 006 júkti jáne
5 109 bala emizetin áıel bar.
Jetisý oblysy
