Qazaqstan Respýblıkasy Úkimetiniń qaýlysy № 230

2014 jylǵy 12 naýryz,  Astana, Úkimet Úıi Jolaýshylar men bagajdy avtomobılmen turaqty tasymaldaýdy uıymdastyrýdyń úlgi shartyn bekitý týraly» Qazaqstan Respýblıkasy Úkimetiniń 2011 jylǵy 27 maýsymdaǵy № 716 qaýlysyna ózgerister men tolyqtyrýlar engizý týraly Qazaqstan Respýblıkasynyń Úkimeti qaýly etedi: 1. «Jolaýshylar men bagajdy avtomobılmen turaqty tasymaldaýdy uıymdastyrýdyń úlgi shartyn bekitý týraly» Qazaqstan Respýblıkasy Úkimetiniń 2011 jylǵy 27 maýsymdaǵy № 716 qaýlysyna (Qazaqstan Respýblıkasynyń PÚAJ-y, 2011 j., № 43, 573-qujat) mynadaı ózgerister men tolyqtyrýlar engizilsin: kórsetilgen qaýlymen bekitilgen Jolaýshylar men bagajdy avtomobılmen turaqty tasymaldaýdy uıymdastyrýdyń úlgi shartynda: 1-taraý mynadaı redaksııada jazylsyn: «1. Sharttyń máni: 1.1. Uıymdastyrýshy jalpy paıdalanymdaǵy turaqty marshrýttarǵa qyzmet kórsetý quqyǵyn beredi, al tasymaldaýshy ózine tómende kórsetilgen marshrýttar boıynsha tasymaldarǵa qyzmet kórsetý jónindegi mindetterdi qabyldaıdy. № Marshrýt nómiri Marshrýttyń ataýy Jumys isteıtin avtobýstar, shaǵyn avtobýstar, trolleıbýstar sany »; 2.1.3-tarmaqsha alynyp tastalsyn: 2.1.6-tarmaqsha mynadaı redaksııada jazylsyn: «2.1.6. Jolaýshylar men bagajdy avtomobılmen turaqty tasymaldaýdy júzege asyrý kezinde marshrýttyń barlyq aıaldama pýnktterinde – óz betinshe ne jolaýshylar agenttikteri, avtovokzaldar, avtostansııalar jáne (nemese) jolaýshylarǵa qyzmet kórsetý pýnktteri arqyly jol júrý qujattary (bıletter) men bagaj túbirtekterin satýdy, onyń ishinde jol júrý qujattary (bıletter) men bagaj túbirtekterin elektrondy túrde satýdy qamtamasyz etýge, sondaı-aq olardyń jolaýshylarda bolýyn baqylaýdy júzege asyrýǵa.»; 2.1.10, 2.1.11 jáne 2.1.12-tarmaqshalar mynadaı redaksııada jazylsyn: «2.1.10. Tasymaldaý úshin avtobýstardyń, trolleıbýstardyń jáne shaǵyn avtobýstardyń osy shartta kózdelgen sanyn jáne tıpin (klasyn) paıdalanýǵa. 2.1.11. Marshrýtta paıdalanylatyn avtobýstardyń, trolleıbýstardyń jáne shaǵyn avtobýstardyń qozǵalys kestesin saqtaýǵa. 2.1.12. Belgilengen talaptarǵa sáıkes avtobýstarda, trolleıbýstarda, shaǵyn avtobýstarda marshrýttar kórsetkishteriniń, salondarda – jolaýshylar úshin qajetti aqparat tizbesiniń bolýyn qamtamasyz etýge.»; mynadaı mazmundaǵy 2.1.13., 2.1.14. jáne 2.1.15-tarmaqshalarmen tolyqtyrylsyn: «2.1.13. Avtokólik quraldaryn shuǵyl den qoıatyn jedel qyzmetterdi shaqyrý qurylǵylarymen jabdyqtaýǵa. 2.1.14. Tasymaldaýdy uıymdastyrýshyǵa aqparat bere otyryp, avtokólik quraldaryn qozǵalys jyldamdyǵy, marshrýtynyń jáne kestesiniń saqtalýy týraly derekterdi naqty ýaqyt rejıminde úzdiksiz berý qurylǵylarymen jabdyqtaýǵa. 2.1.15. Ulttyq standarttardy saqtaýǵa mindetti.»; 2.2.2-tarmaq mynadaı redaksııada jazylsyn: «2.2.2. Avtobýstardyń, shaǵyn avtobýstardyń, trolleıbýstardyń belgilengen qozǵalys kestesiniń saqtalýyn baqylaýdy júzege asyrýǵa;»; mynadaı mazmundaǵy 2-1-taraýmen tolyqtyrylsyn: «2-1. Marshrýtta paıdalanylatyn avtobýstardy, shaǵyn avtobýstardy, trolleıbýstardy jańartý jónindegi talaptar 2-1.1. Tasymaldaýshy eki jyldan aspaıtyn ýaqyt ótken soń marshrýtta paıdalanylatyn avtobýstardy, shaǵyn avtobýstardy, trolleıbýstardy osy sharttyń 1-qosymshasyna sáıkes jańartýǵa mindetti.»; 4.1-tarmaqta: tórtinshi jáne besinshi abzastar mynadaı redaksııada jazylsyn: «Avtomobıl kóligi týraly» 2003 jylǵy 4 shildedegi Qazaqstan Respýblıkasy Zańynyń 22-baby 2-tarmaǵynyń 2) tarmaqshasynda kózdelgen mindettiń oryndalmaýyna baılanysty tasymaldaýshynyń kinásinen adam ólimi oryn alǵan jol-kólik oqıǵalarynyń (JKO) bolýy; osy sharttyń 2.1.1-tarmaǵynyń talaptaryna sáıkes kelmeıtin avtobýstardy, shaǵyn avtobýstardy, trolleıbýstardy marshrýtta bir jylda úsh jáne odan kóp ret paıdalaný;»; mynadaı mazmundaǵy jetinshi jáne segizinshi abzastarmen tolyqtyrylsyn: «júrgizýshiniń (júrgizýshilerdiń) kinásinen bir marshrýtta adam ólimi bolǵan jol-kólik oqıǵasynyń (JKO) bir jyl ishinde úsh jáne odan kóp ret bolýy; osy sharttyń 2-1.1-tarmaǵynyń talaptaryn oryndamaý bolyp tabylady.»; 5.2-tarmaq mynadaı redaksııada jazylsyn: «5.2. Kesteler, marshrýttar boıynsha qozǵalystyń jáne tarıftik kesteniń shemalary, sondaı-aq marshrýtta paıdalanylatyn avtobýstardyń, trolleıbýstardyń, shaǵyn avtobýstardyń tıpi (klasy) men sany osy shartqa 2-qosymshaǵa sáıkes jeke qosymshada keltiriledi. Eger oblystardyń (respýblıkalyq mańyzy bar qalanyń, astananyń) jergilikti atqarýshy organdary belgilegen tarıf tasymaldaý, sondaı-aq jolaýshylar men bagajdy jeńildikti sharttarda nemese tegin tasymaldaý shyǵyndaryn jappasa, Qazaqstan Respýblıkasynyń zańnamasyna sáıkes shartta tasymaldaýshyǵa ótem tóleý mólsheri men merzimderi kózdeledi.»; mynadaı mazmundaǵy 5.8-tarmaqpen tolyqtyrylsyn: «5.8. Osy úlgi sharttyń 2.1-tarmaǵynyń 2.1.13. jáne 2.1.14-tarmaqshalarynyń talaptary 2015 jyldaǵy 1 qańtardan bastap jasalatyn sharttarǵa qatysty qoldanysqa engiziledi.»; mynadaı mazmundaǵy 6.2-tarmaqpen tolyqtyrylsyn: «6.2. Osy shartqa 1-qosymshaǵa sáıkes marshrýtta paıdalanylatyn avtobýstardy, shaǵyn avtobýstardy, trolleıbýstardy jańartý kezinde sharttyń qoldanylýy 10 jylǵa uzartylady.»; kórsetilgen jolaýshylar men bagajdy avtomobılmen turaqty tasymaldaýdy uıymdastyrýdyń úlgi sharty osy qaýlyǵa 1 jáne 2-qosymshalarǵa sáıkes 1 jáne 2-qosymshalarmen tolyqtyrylsyn. 2. Osy qaýly alǵashqy resmı jarııalanǵan kúninen keıin on kúntizbelik kún ótken soń qoldanysqa engiziledi. Qazaqstan Respýblıkasynyń Premer-Mınıstri S. AHMETOV. Qazaqstan Respýblıkasy Úkimetiniń 2014 jylǵy 12 naýryzdaǵy №230 qaýlysyna qosymsha Jolaýshylar men bagajdy avtomobılmen turaqty tasymaldaýdy uıymdastyrýdyń úlgi shartyna 1-qosymsha Marshrýtta paıdalanylatyn avtobýstardy, shaǵyn avtobýstardy, trolleıbýstardy jańartý boıynsha keste Avtobýstardy, shaǵyn avtobýstardy, trolleıbýstardy paıdalaný merzimi Avtobýstar, shaǵyn avtobýstar, trolleıbýstar sany* 2-3 4-6 7-10 11-15 16-25 26-50 51 jáne odan kóp 7 jylǵa deıin + + + + + + + 7 jyldan 12 jylǵa deıin 50% 25% 20% 20% 20% 20% 20% 12 jyldan 15 jylǵa deıin - 25% 25% 25% 24% 22% 21% 15 jyldan astam - - - 4% 6% 10% 15% «+» - marshrýtta avtobýstardy, shaǵyn avtobýstardy, trolleıbýstardy paıdalanýǵa ruqsat etiledi; «-» - marshrýtta avtobýstardy, shaǵyn avtobýstardy, trolleıbýstardy paıdalanýǵa ruqsat etilmeıdi. * - avtobýstardyń, shaǵyn avtobýstardyń, trolleıbýstardyń jalpy sanynan belgilengen paıyzdyq mándegi avtobýstardyń, shaǵyn avtobýstardyń, trolleıbýstardyń sanyn anyqtaǵan kezde máni 0,5 jáne odan kóp bolsa, sany ulǵaıý jaǵyna qaraı anyqtalady (1 avtobýs, shaǵyn avtobýs, trolleıbýs). Qazaqstan Respýblıkasy Úkimetiniń 2014 jylǵy 12 naýryzdaǵy №230 qaýlysyna 2-qosymsha Jolaýshylar men bagajdy avtomobılmen turaqty tasymaldaýdy uıymdastyrýdyń úlgi shartyna 2-qosymsha Marshrýt pen tarıftik keste boıynsha kestelerde, qozǵalys shemalarynda qamtylǵan, sondaı-aq marshrýtta paıdalanylatyn avtobýstardyń, trolleıbýstardyń jáne shaǵyn avtobýstardyń tıpi (klasy) jáne sany jónindegi aqparat 1. Avtobýstardyń, trolleıbýstardyń jáne shaǵyn avtobýstardyń kestelerinde mynadaı aqparat qamtylýǵa tıis: 1) marshrýttyń ataýy; 2) aıaldama pýnktteriniń ataýy; 3) aıaldama pýnktteriniń bir-birimen araqashyqtyǵy; 4) reıs boıynsha kelý, toqtap turý, jónelý, júrý ýaqyty, ortasha júrý jyldamdyǵy boıynsha bir baǵytta jáne keri bólý; 5) jyldyq, toqsandyq, aılyq, aptalyq nemese kúndik ólshemdegi marshrýtty júzege asyrý merzimdiligi; 6) tasymaldaýshynyń ataýy; 7) memlekettik organnyń nemese jergilikti atqarýshy organnyń ataýy, laýazymdy adamnyń tegi jáne aty-jóni jáne onyń atalǵan organnyń mórimen rastalyp qol qoıylǵan kúni kórsetilgen qoly. 2. Avtobýstardyń, trolleıbýstardyń jáne shaǵyn avtobýstardyń qozǵalys syzbalarynda mynadaı aqparat qamtylýǵa tıis: 1) marshrýttyń ataýy; 2) aıaldama pýnktterdiń ataýy; 3) tasymaldaýshynyń ataýy; 4) qaýipti ýchaskeler jáne olardyń sıpattamasy; 5) memlekettik organnyń nemese jergilikti atqarýshy organnyń ataýy, laýazymdy adamnyń tegi jáne aty-jóni jáne onyń atalǵan organnyń mórimen rastalyp qol qoıylǵan kúni kórsetilgen qoly. 3. Tarıftik kestede mynadaı aqparat qamtylýǵa tıis: 1) marshrýttyń ataýy; 2) aıaldama pýnktterdiń ataýy; 3) tasymaldaýshynyń ataýy; 4) jolaýshylardyń jol júrý, bagajdy alyp júrý jáne jolaýshylardyń jeńildetilgen jol júrý quny; 5) memlekettik organnyń nemese jergilikti atqarýshy organnyń ataýy, laýazymdy adamnyń tegi jáne aty-jóni jáne onyń atalǵan organnyń mórimen rastalyp qol qoıylǵan kúni kórsetilgen qoly. 4. Marshrýtta paıdalanylatyn avtobýstardyń, trolleıbýstardyń jáne shaǵyn avtobýstardyń tıpi (klasy) boıynsha aqparat: 1) avtobýstyń, trolleıbýstyń jáne shaǵyn avtobýstyń memlekettik nómiri; 2) avtobýstyń, trolleıbýstyń jáne shaǵyn avtobýstyń tıpi (klasy); 3) avtobýstyń, trolleıbýstyń jáne shaǵyn avtobýstyń shyǵarylǵan № jyly; 4) avtobýstardyń, trolleıbýstardyń jáne shaǵyn avtobýstardyń sany.