Sport • 19 Tamyz, 2022

Tursynǵalı týrnıri

71 ret kórsetildi

Bul kúnderi Almatynyń dál irgesinde ornalasqan Talǵar qala­synda Tuńǵysh Prezıdent qorynyń uıymdastyrýymen bokstan Qazaqstannyń eńbek sińirgen jattyqtyrýshysy Tursynǵalı Edilovtiń júldesi úshin jasóspirimder arasynda halyqaralyq týrnır ótip jatyr.

Jarystyń ashylý saltanatyna Almaty oblysy dene shynyqtyrý jáne sport basqarmasynyń bastyǵy Nurbaqyt Teńizbaev, «Dınamo» sport qoǵamy tóraǵasynyń birin­shi orynbasary Asqar Omarqulov, Olımpıada chempıony Ermahan Ybyraıymov, Olımpııa oıyn­darynyń kúmis júldegeri Muhtarhan Dildábekov jáne taǵy basqa ataǵy alysqa jaıylǵan boksshylar men sport ardagerleri qatysty.  

Tursynǵalı Nurjaqypuly ke­zinde elimizdegi tanymal boks­shy­lardyń biri boldy. Respýblıkalyq jáne Búkilodaqtyq týrnırlerde júlde alyp, KSRO sport sheberiniń kúmis belgisin keýdesine taqty. Toqsanynshy jyldardyń basyn­da Ermahan Ybyraıymovty jat­tyq­tyryp, óz shákirtiniń Atlanta Olımpıadasynda qola jáne Sıd­neı Olımpıadasynda altyn medal alýyna súbeli úles qosty. Sony­men qatar Ermahannyń álem chempıonatynyń kúmis pen qola júl­degeri, eki dúrkin qurlyq chempıony, Azııa oıyndarynyń jeńimpazy degen ataqtary bar.

1997 jyly Edilov ulttyq koman­damyzdyń tizginin ustady. Sol tusta otandyq bylǵary qolǵap sheberleri halyqaralyq arenada zor tabys­tarǵa qol jetkizdi. Eń basty tabysymyz – ǵasyrlar toǵy­synda alaýy tutanǵan Sıdneı Olımpıadasynda Qazaqstan qura­masynyń tórt birdeı boksshysy­nyń fınalǵa shyǵýy. Nátıjesinde, Bekzat Sattarhanov pen Ermahan Ybyraıymov bas júldeni oljalasa, Bolat Jumadilov pen Muhtarhan Dildábekov kúmis medal ıelendi. Bir ókinishtisi, arada 22 jyl ótse de, jasyl qurlyqtaǵy sol nátıjeni bizdiń jýan judyryqty jigitterimiz áli de qaıtalaı alǵan joq.

Sodan keıingi jyldary da Tur­synǵalı Edilov jattyqtyrý­shylyq qyzmette júrip, zor bedel jıdy. Onyń shákirtteri arasynda Olım­pııa oıyndary men álem chempıonattaryna qatysyp, halyqaralyq ja­­rystarda júlde alǵandary da bar. Al Talǵarda áıgili bapkerdiń qurmetine ótip jatqan týrnırde Qazaqstannyń birqatar aımaqtary jáne О́zbekstan men Qyrǵyzstannan kelgen 150-den asa balǵyn bylǵary qolǵap sheberi baq synaýda.

Sońǵy jańalyqtar

Munaı men teńge baǵamyndaǵy táýekelder

Ekonomıka • Búgin, 00:23

Áleýmettik qyzmetterdi damytý ózekti

Qazaqstan • Búgin, 00:21

Elektr qýatyn óndirý ulǵaıady

Aımaqtar • Búgin, 00:19

Saıası júıeni túbegeıli jańartý

Saıasat • Búgin, 00:14

Ulttyq qundylyqtardy ulyqtaý

Pikir • Búgin, 00:06

Atomǵa alańdaǵan álem

Álem • Búgin, 00:04

Bıznestegi áıelder úlesi

Bıznes • Búgin, 00:01

Yrysty molaıtqan naýqan

Ekonomıka • Keshe

AQSh-qa eksport artty

Ekonomıka • Keshe

Qandastardyń hali qalaı?

Qoǵam • Keshe

Engel zańy

Qoǵam • Keshe

Qymyzhanadaǵy mýzeı

Qoǵam • Keshe

Án oqý

Rýhanııat • Keshe

«Áselim» áni

О́ner • Keshe

Jyr alyby dáripteldi

Qoǵam • Keshe

Uqsas jańalyqtar