Elorda • 19 Tamyz, 2022

Jyl basynan beri elordada 456 órt tirkeldi

55 ret kórsetildi

Nur-Sultan qalasy Memlekettik órt baqylaý basqarmasynyń bastyǵy Erkin Otarǵalymuly jyl basynan beri elorda aýmaǵynda 456 órt tirkelgenin aıtty, dep habarlaıdy Egemen.kz.

«Jyl basynan beri qala aýmaǵynda 456 órt faktisi tirkeldi. Onyń ishinde 150-i jeke turǵyn úı sektorynda. О́rtterden 10 adam qutqarylyp, 26-sy qaýipsiz aýmaqqa kóshirildi. Statıstıkaǵa sáıkes, órtterdiń aıtarlyqtaı bóligi jeke sektolarda bolady. Sondyqtan qalalyq quzyrly organ jylytý maýsymy bastalar aldynda órt qaýipsizdigi aılyǵyn ótkizedi. Bıyl bul sharalar 15 tamyzda bastaldy», dedi Erkin Otarǵalymuly.

Onyń aıtýynsha, órt qaýipsizdigin tekserý úsh kezeń boıynsha júzege asyrylady. Aldymen áleýmettik osal topqa jatatyn azamattardyń baspanalary tekseriledi. Elordada osyndaı sanattaǵy 1 240 otbasy bar. Kelesi kezekte qala aýmaǵynda tirkelgen 10 myńǵa jýyq saıajaılarǵa qaýipsizdik sharalary túsindiriledi. Odan keıin ǵana qalada ornalasqan barlyq turǵyn úılerdi aralap, oqys oqıǵalardyń aldyn alýǵa baǵyttalǵan úgit-nasıhat jumystary júrgiziledi.

Sońǵy jańalyqtar

Almaty mańynda jer silkindi

Aımaqtar • Keshe

Uqsas jańalyqtar