Qoǵam • 19 Tamyz, 2022

SQO-da jeti aıda 464 ınternet-alaıaqtyq tirkeldi

43 ret kórsetildi

Soltústik Qazaqstanda jeti aı ishinde 464 ınternet-alaıaqtyq tirkeldi, dep habarlaıdy Egemen.kz Polisia.kz-ke silteme jasap.

SQO-da polıseılerdiń aýqymdy profılaktıkalyq jumystary ınternet-alaıaqtyqtyń ósýin toqtatýǵa septigin tıgizdi. Buǵan deıin osyndaı qylmystardyń sany udaıy ósti.

2022 jylǵy jeti aı ishinde oblysta 464 ınternet-alaıaqtyq tirkeldi – ótken jyldyń osy kezeńinde bul kórsetkish 474 bolǵan. BAQ-ta jáne áleýmettik jelilerde tártip saqshylary turǵyndardy jelidegi alaıaqtyq shemasy týraly eskertedi. Sondaı-aq, páter boıy tekserý júrgizilýde. Oǵan ýchaskelik ınspektorlar men krımınaldyq polısııa qyzmetkerleri, sondaı-aq basqa bólinisterdiń qyzmetkerlerinen qurylǵan toptar jumyldyryldy. Polıseıler kúnde petropavldyqtardyń esigin qaǵyp, jadynamalar men býkletterdi taratýda, alaıaqtardyń qarmaǵyna túspeýdiń joly týraly kóshelerde túsindirý jumystaryn júrgizýde.

Máselen, polıseıler keshe 500-den astam páter men 29 uıymdy aralap, profılaktıkalyq áńgime júrgizip, aqparattyq paraqshalar taratty. WhatsApp messendjerindegi úıdiń chattaryna, eńbek ujymdarynyń toptaryna alaıaqtyq qaýpi týraly eskertetin aýdıo jáne beıne materıaldar joldady.

«Maqsaty – halyqqa alaıaqtardyń jelide jıi qoldanatyn tásilderin túsindirý. Búgingi tańda «bankten qońyraý shalý» jolymen jasalǵan oqıǵalar jıilep ketti. Qylmyskerlerdiń maqsaty – sizdi nesıe alýǵa nemese ózińizdiń jınaǵan qarajatyńyzdy alaıaqtarǵa tıesili, olar usynǵan shotyna aýdarýǵa kóndirý. Aldaýdyń taralǵan basqa túri – belgili ınternet-resýrstaǵy jalǵan habarlandyrýlar. Jeliden qandaı da bir zatty satyp almas buryn satýshynyń adaldyǵyna tolyq kóz jetkizbeıinshe aldyn ala tólem jasaýǵa kelispeńizder. Sondaı-aq, ózińizdiń qupııa málimetterińizdi, paroldi, pın-kodty jáne bank kartasynyń syrtynda jazylǵan cvv-kodty, sms boıynsha kelgen bir rettik kodty eshkimge aıtpańyzdar», deıdi Petropavl qalasy PB JPQ bólim bastyǵy Rýstam Sadýlov.

Sońǵy jańalyqtar

Abaı óńirinde kóne qala tabyldy

Aımaqtar • Búgin, 16:54

Dollar baǵamy arzandady

Qarjy • Búgin, 16:15

Elordada AО́SShK sammıti ótedi

Qazaqstan • Búgin, 15:07

Aqtaýda jol boıynda kólik órtendi

Oqıǵa • Búgin, 12:31

Aldaǵy kúnderi elimizde kún sýytady

Aýa raıy • Búgin, 11:55

Irannyń ońtústiginde jer silkindi

Álem • Búgin, 11:22

Iranda narazylyqtar kúsheıdi

Álem • Búgin, 10:57

Uqsas jańalyqtar