Alǵashqy toqsan qorytyndylandy

Bıylǵy jyldyń alǵashqy toqsanynyń qorytyndysy boıynsha Qyzylorda oblysynda óńdeý ónerkásibinde – 8, aýyl sharýashylyǵynda 3 paıyzǵa ósim bar. Degenmen, ónerkásip salasy 2,9 paıyzǵa, ınvestısııa tartý 14,3 paıyzǵa azaıǵan. Bul týraly oblystyq ekonomıka jáne bıýdjetti josparlaý  basqarmasynyń basshysy Sáýle Qulymbetova habarlady. Basqarma basshysy ınves­tısııanyń tómendeýin «Beıneý – Bozoı –Shym­kent» gaz qubyrynyń jáne «Ba­tys Eýropa – Batys Qytaı» avtobany qurylysynyń negizgi jumystarynyń aıaqtalýymen baılanystyrdy. О́tken jyldyń osy merzimimen salystyrǵanda qurylys salasy da birshama báseńdep qalǵan.  Osyǵan deıin 59,4 myń sharshy metrge  turǵyn úı salynsa, onyń barlyǵy jeke sektorǵa tıesili eken. Aıta keteıik, bıyl «Qoljetimdi bas­pana-2020» baǵdarlamasynyń sheńberinde respýblıkalyq jáne oblystyq bıýdjetten 7057,4 mıllıon teńge qarjy bólinip otyr. Bul úılerdiń qurylysy ekinshi toqsanda bastalady dep josparlanǵan. Alǵashqy toqsanda 1758 jańa jumys orny ashyldy. Jumys­syzdyq deńgeıi 5,2 paıyzdy quraǵan. Aqpan aıynda oblysta ortasha jalaqy 92263 teńgeni qurady. Bul ótken jylmen salys­tyrǵanda 102,2 paıyzǵa artqan degen sóz. Qazirgi negizgi másele azyq-túlik baǵalarynyń ósýi. Bul baǵytta iri saýda ortalyqtarymen 46 memorandým jasaldy. Sonyń nátıjesinde olar bazar baǵasynan negizgi azyq-túlikti 5-10 paıyzǵa arzan satýda. Oǵan qosa turaqty túrde aýyl­sharýashylyq jármeńkeleri ótki­zilip tur. Búginde oblys bıýdjeti 199 mıllıard teńgege jetti. Áleýmettik sala basty nazarda. Bıyldyń ózinde oblysta 78 áleýmettik nysannyń qurylysy bastalady. – Kórsetkishter keıbir sala­da tómendep ketken. Biraq ol ju­mys jasalmaı jatyr degendi bildirmeıdi. Jyl jańa bastaldy. Tenderler endi ótip jatyr. Qa­zir Aral men Qazaly shaǵyn qa­lalar tizimine endi. Bul – respýb­lıkadan qoldaý bolady degen sóz. О́ńirdiń kelbetin ózgertýge jumys jasańyzdar. Taıaýda «Qazaqstan temir joly» AQ-pen memorandýmǵa qol qoıdyq.  Endi áýejaıdyń jolaý­shylar termınalynyń qurylysy salynady. Shyny zaýytynyń gazdandyrý máselesin ınvestısııalyq forým nátıjesinde sheshtik. Bul jumystar aldaǵy ýaqytta da jal­ǵasyn tabatyn bolady, – dedi oblys ákimi Qyrymbek Kósherbaev. Erjan BAITILES, «Egemen Qazaqstan». QYZYLORDA.