Parlament

Joldaý zańnamalyq turǵydan qamtamasyz etiledi

Shyǵys Qazaqstan obly­sy­na kelgen Parlament Sena­ty Eko­nomıkalyq damý já­ne ká­sipkerlik komıtetiniń tóraǵa­sy Talǵatbek Abaıdildın aımaq­tyń atqarýshy jáne ókildi bılik ókilderimen kezdesti. T.Abaı­dildın, sonymen qa­tar, kirpish jáne sement zaý­yt­tarynyń, «Spektr» gaze­ti­niń eńbek ujymdarymen, Se­meı qalasyndaǵy bıznes kolled­ji­niń oqýshylarymen jáne pro­fes­sorlyq-oqytýshylar quramymen kezdesti. Senator júzdesý barysynda Parlamenttiń zań shyǵarý qyzmeti, Prezıdent N.Á.Nazarbaevtyń ha­lyqqa Joldaýynda alǵa qoıylǵan mindetterdi zańnamalyq turǵyda qamtamasyz etý jónindegi Senat­tyń bıylǵy jylǵy jumys jos­pary týraly áńgimeledi, dep habarlady osy palatanyń baspasóz qyzmeti. *** Parlament Májilisiniń depýtaty, «Nur Otan» partııasy fraksııasynyń múshesi Orazkúl Asanǵazy Aqmola oblysy, Býrabaı aýdanynyń Mádenıet jáne Abylaı han aýyldarynda turǵyndarmen júzdesti. «Nur Otan» partııasynyń baǵ­darlamasynda aýyldy damytýǵa nazar aýdarylyp otyr. Abylaı han aýylyna barǵanda, turǵyndardyń turmysy jaqsy ekenine kózim jetti. Aýylda jol, aýyz sý máselesi sheshimin tapqan, mektep pen balabaqsha jumys istep tur. Al Mádenıet aýylynda turǵyndar úlken joldan aýylǵa burylǵan tustaǵy 9 shaqyrymdyq joldyń kúrdeli jóndeýden ótpeı turǵanyn jáne elektr jaryǵynyń jıi-jıi sónip qala beretinin alǵa tartty. Aýyl basshylyǵy joldyń jobalaý-smetalyq qujattaryn daıyndap jatyr eken. Keler jyldary ol másele de sheshilýge tıis. Bul turǵyda Aqmola oblysynyń ákimimen ózim de sóılesemin», dedi O.Asanǵazy. Sondaı-aq, depýtat Kókshetaý qalasyndaǵy pedagogıkalyq kolledjdiń ujymymen kezdesti. «Oǵan arnaıy barǵanymnyń sebebi, 12 jyldyq bilim berý júıe­sine ótkeli jatyrmyz. Oqýshy­ǵa bilimniń negizi bastaýyshta qalanady ǵoı. Sondyqtan pedkol­ledjdiń róli óte zor. Bilim salasyndaǵy ózgerister, jańa­lyqtar týraly atalǵan oqý or­nynyń ustazdarymen, shákirt­terimen keremet bir kezdesý boldy. Keleli oılar, utymdy usynystar aıtyldy», dedi O.Asanǵazy. *** Parlament Májilisiniń depýtaty, «Nur Otan» partııasynyń múshesi Abaı Tasbolatov Qaraǵandy oblysynda bolyp, Elbasynyń Qazaqstan halqyna arnaǵan Joldaýyndaǵy elimizdiń aldyna qoıylǵan ózekti má­selelerdi halyqqa túsindirý maq­sa­tynda saılaýshylarmen kezdesti. Parlament Májilisiniń depý­tat­tary A. Tasbolatov, T.О́mir­zaqov, T.Erǵalıev Sátbaev qala­syna qarasty sport-saýyqtyrý kesheni jumysymen tanysyp, sporttyq is-sharalarǵa qatysty. Depýtattar Jezqaǵan qala­synyń ákimi Serik Shaıdarovpen, sondaı-aq, Uly Otan soǵysy, tyl ardagerlerimen, Aýǵan soǵysyna qatysýshylarmen, óńir jastarymen kezdesý ótkizdi. Qorǵanys isteri departamentinde bolyp, onda jumys atqaratyn áskerı qyzmetkerlermen pikir almasty. Kezdesýler barysynda «Nur Otan» partııasynyń «Qazaqstan. Maqsattar-2017. Ulttyq is-áre­ket­ter jospary» tuǵyrnamasy, Pre­zıdent N.Á.Nazarbaevtyń «Qa­zaqstan-2050» Strategııasy Joldaýynyń basymdyqtary jáne Májilistiń zań shyǵarýshylyq qyzmeti jaıynan habardar etti. A.Tasbolatov barlyq aýdan­dardaǵy azamattardy óz ótinishteri boıynsha jeke qabyldaýlar ót­kizip, nátıjesinde shaǵymdar ýá­ki­letti memlekettik organdarǵa joldanatyndyǵyn aıtyp, árbir kóterilgen saýalǵa tıisti jaýap bolatynyn jetkizdi. *** Parlament Májilisiniń depýtaty, «Nur Otan» partııasy parlamenttik fraksııasynyń múshesi Nurtaı Sabılıanov Shyǵys Qazaqstan oblysynyń Tarbaǵataı jáne Kókpekti aýdandarynda saılaýshylarmen kezdesýler ótkizdi. Kezdesýler atalǵan aýdan­dardyń Kókjyra, Qumǵol, Aq­sýat, Qarasý, Aqjar, Kókpekti aýyl­darynyń turǵyndarymen ótti. Sonymen qatar, depýtat Aq­sýat aýylynda ornalasqan Ha­lyq­qa qyzmet kórsetý ortaly­ǵyna, №1 dárigerlik ambýlato­rııa men jańadan ashylǵan Ha­lyq bankiniń bólimshesine baryp, halyqqa qyzmet kórsetý ju­my­symen tanysty. Kókpekti aýy­lyndaǵy balalar úıinde tár­bıe­lenip jatqan balalardyń turmys-tirshiligin kórdi. Kezdesýlerde halyq qalaýlysy saılaýshylarǵa Elbasynyń «Qa­zaq­stan joly – 2050: bir maqsat, bir múdde, bir bolashaq» atty Qa­zaqstan halqyna Joldaýynyń basym baǵyttary, Parlamenttiń zań shyǵarýshylyq qyzmeti, «Nur Otan» partııasynyń aǵymdaǵy ju­mysy týraly aıtyp berdi. Saılaýshylar tarapynan kóp­tegen suraqtar qoıylyp, máse­le­ler kóterildi. Azamattardyń suraq­taryna depýtat tarapynan tolyq jaýap berildi. Azamattar óz ótinishteri boıynsha depýtattyń jeke qabyldaýynda boldy. *** Parlament Májilisiniń depýtaty Ashat Bekenov Atyraý oblysynyń Qurmanǵazy aýdanyndaǵy Teńiz aýyldyq okrýginde kezdesý ótkizdi. Jıynǵa aýyl turǵyndary, Ga­garın mektebiniń peda­go­gı­kalyq ujy­my, «Aısamal» bala­­baq­­shasynyń ujymy, okrýg ákimi apparatynyń qyzmet­ker­­leri, aýyldyq klýb ujymy, «Sar­senbaev E» sharýa qojaly­ǵy­nyń qyzmetkerleri, qoǵamdyq qyz­met­kerler qatysty. A. Bekenov Elbasynyń 2014 jyl­ǵy 17 qańtardaǵy «Qazaqstan joly – 2050: bir maqsat, bir múdde, bir bolashaq» atty Qazaqstan halqyna Joldaýynyń basym ba­ǵyttary, Parlamenttiń zań shyǵarý qyzmeti, «Nur Otan» partııasynyń aǵymdaǵy jumysy týraly aıtyp berdi. Aýyl turǵyny, aýdannyń Qurmetti azamaty U.Jadyǵulov, aýyl turǵyndary A.Ǵumarov,T.Haýy­sov, A.Qubaev S.Qalıev suraq­tar qoıyp, usynystaryn bil­dirdi. Jıynǵa aýdan ákimi A.Ba­ra­qatov, «Nur Otan» partııasynyń ókilderi, t.b. keldi. *** Parlament Májilisiniń depýtaty Almas Turtaev aımaqtarǵa sapary aıasynda qasıetti Túrkistan qalasynda jáne Qyzylorda oblysynyń  Shıeli jáne Jańaqorǵan  aýdandarynda bolyp, saılaýshylarmen jáne  jergilikti kásipkerlermen kezdesti. Alǵashqy keleli jıyn Túr­kistan medısınalyq kolledjinde boldy. Depýtat oqý ornynyń bi­lim berý bazasymen tanysyp bolǵannan keıin kolledj stýdent­terimen pikir almasty. Stýdentter tarapynan qoıylǵan suraqtarǵa jaýap berip, jastar qaýymyn el ıgiligi jolynda aıanbaı eńbek etýge shaqyrdy. Odan ári Túrkistan qalalyq ká­sipkerlik bóliminde ulttyq kásip­kerler palatasynyń, ákimshilik jáne bıznes qaýymdastyq ókil­deriniń,  sonymen qatar, BAQ-tyń qatysýy­men kezdesý ótti. Kezdesý barysynda óńirde kásipkerlik salasyn damytý, ınfraqurylym jáne aýyz sý máselesi sóz boldy. Qyzylorda oblysynyń Shıeli aýdanynda bolǵan depýtat «KNK KEMIKAL» JShS jumysymen tanysty. Sapar barysynda óńir­degi kásipkerlikti damytý máse­leleri taqyryp ózegine aınaldy. Al Jańaqorǵan aýdanynda je­ke kásipkerlerdiń jáne sharýa qojalyqtarynyń jumysymen tanysyp, egin basyna bardy.