Qyzylordada iri jol apatynan qaza tapqandar esimderi anyqtaldy

ASTANA. 9 mamyr. Tótenshe jaǵdaılar mınıstrligi Qyzylorda oblysynda oryn alǵan iri jol-kólik apatynda qaza tapqan jolaýshylardyń aty-jónderin jarııalady. Bul týraly vedomstvonyń baspasóz qyzmeti habarlady. Oqıǵa 7 mamyr kúni 8:50 saǵatta «Samara-Shymkent» trassasynyń 1892-shaqyrymynda, oblystyń Shıeli aýdanyndaǵy Tartoǵaı stansasy janynda oryn alǵan. Apat jolaýshylar tasıtyn «Mersedes» mıkroavtobýsy (júrgizýshisi 1980 jyly týǵan D.Fazylov) men «Lend Krýzer» (júrgizýshisi 1976 jyly týǵan B.Nurmaǵanbetov) kóliginiń betpe-bet soqtysyǵýlarynan oryn alǵan. Avtobýstyń salonynda 18, qarsy kólikte 1 adam otyrǵan. «Jol-kólik oqıǵasy saldarynan eki júrgizýshi men mıkroavtobýstyń segiz jolaýshysy sol jerde qaza tapty. Olardyń arasynda mynalar bar: M.Kasymbaeva (1949 j.t), J.Seıdahmetov (1963), Ý. Qalmenova (1963), O. Qurbanova (1948), E.Arynova (1981), N. Sahıeva (1955), B.Beıbitova (1959), K.Saparova (1966). Taǵy myna 9 kisi aýrýhanalarǵa jatqyzyldy: K.Erjanov (1978), A.Kamal (1980), A.Zákenov (1958), N.Kemelbekov (1950), M. Syrybaıqyzy (1959), R.Mamytova (1939), B.Dosqulov (1947), G.Qamysbaev (1983), G.Beısenov (1978). Aýyr jaraqat alǵandar arasynda jaǵdaılary qıyndary bar. Qurysh Nurymbet. Derekkóz: Tótenshe jaǵdaılar mınıstrliginiń baspasóz qyzmeti. Foto: mgorod.kz.