ASTANA. 9 mamyr. Reseıdiń aty ańyzǵa aınalǵan hokkeıshisi Igor Larıonov Mınskide ótkeli jatqan álem chempıonaty aldynda óziniń osyǵan qatysty oı-pikirlerin bildirdi. Bul týraly «Chempıonat.Rý» veb-saıty habarlady.
Olımpııalyq oıyndardyń eki dúrkin chempıony Igor Larıonov Reseıdiń Mınsk chempıonatynda ótetin alǵashqy matchtaryn óz kózimen kórmekshi. Ol óz eliniń quramasy Sochıdegi qaraǵanda, munda jınaqy oıyn kórsetedi dep esepteıdi.
-Týrnırde Reseı quramasynan qandaı nátıje kútýge bolady?
-Men onyń oıyny qorǵanystan góri shabýylda kóbirek ótedi ǵoı dep oılaımyn. Biz eki jaǵyn úılestire ustaıtyn oıyn kóretin bolamyz. Meniń kútetinim osy. Komandanyń quramyna qarap turyp, jattyqtyrýshynyń ımprovızasııaǵa kóptep barýyna múmkindigi bar dep esepteımin.
-Oıyn jarqyldap óte me?
-Buǵan naqty jaýap berý qıyn. Sebebi, men Olımpıadada onyń AQSh pen Slovakııaǵa qarsy ótken eki oıynyn ǵana kórdim. Bári de oıynshylardyń ózderin qalaı ustaýlaryna baılanysty. Al oıynǵa shyqqan kezde, qatelik jiberip alýdan qorqyp, jasqanshamaqtaý kerek. Eger komanda ózine ózi senimdi bolsa, onyń jeńýge degen múmkindigi de artady.
-UHL oıynshylarynyń kópshiligi kelýge keliskeni tań qaldyrmaı ma?
-Joq, bul qalypty jaıt. Jigitter ózderi ótkizgen qıyn maýsymnan keıin quramada oınaý olar úshin borysh bolyp sanalady.
-Iаgrdyń týrnırdegi sheshimi tań qaldyrǵan joq pa?
-Tań qalǵan joqpyn. Maýsym sáýirde aıaqtalady, al sen úzilistiń aıtarlyqtaı uzaqqa sozylyp ketetinin baıqaısyń. Sosyn uzaǵyraq oınaǵyń keledi. Eger pleı-off bolǵanda, ol sonda oınar edi. Biraq klýbtyń endi oınaıtyn oıyndary joq. Al tórt-bes aıda oıyndy joǵaltyp alýyń múmkin. Ony ardagerler bylaı tursyn, oınamaı júrse, jastardyń ózi de joǵaltyp alady. Sondyqtan men Iаgrdyń sheshimin durys dep sanaımyn. Ýaqyt bolsa ketip bara jatyr. Bul, bálkı, onyń sońǵy álem chempıonaty da shyǵar.
-Olımpııalyq oıyndar jyly ótetin álem chempıonatynda qyzyq qalmaıdy desedi...
-Men olaı demes edim. Álem chempıonaty – bul álem chempıonaty, jas talantty oıynshylardyń baıqaýy. Sóz joq, Munda Krosbı, Keın, Teıvz, Dasıýk, Granlýd jetispeıdi. Biraq ózgelerge ózderin kórsetetin múmkindik bar. Munda, Belarýste jańa esimderdi ashatyn jańa hokkeı festıvali ótkeli tur. Máselen, biz buǵan deıin Makkınnondy kózbe-kóz kórgen joq edik.
-Jastar Reseı quramasynda da bar.
-Iá, bul jaqsy. Jattyqtyrýshylar jas jigitterge nendeı qabiletteri bar ekenderin kórsetýlerine múmkindikter berip otyr. Endi she? Oıynshylarǵa Eýrotýrlarda emes, baǵa jetpes tájirıbe alatyn osyndaı týrnırlerde kóz salý kerek qoı. Qaı kezde de táýekel etpese bolmaıdy. Dál qazirgi jaǵdaıda ol ózin ózi aqtaıdy. Buǵan qosa, Reseı quramasynda tájirıbeli jáne jas oıynshylardyń teń jınalyp qalǵan. Munyń bolǵanynyń ózi jaqsy.
-UHL pleı-off oıyndaryn qadaǵalap otyrdyńyz ba?
-Men matchtaryn kórgen joqpyn, tek UHL-dy qadaǵalap turdym.
-Ovechkınniń oıyny týraly ne aıtasyz? Ol paıdaly áseri tómendigi úshin synalyp júr.
-Ol keshegi kúnniń áńgimesi. Qazir jańa paraq ashylady. Ol ne bolǵanda da, komandanyń lıderi. Endi jurttyń bári bárin basynan bastaıdy. Ovıdiń aty – Ovı, ol gol soǵa alatyn, komandany sońyna erte alatyn jáne toǵyz oıynnan turatyn shaǵyn serııada quramany chempıon atandyra alatyn adam. Onyń endi baspasózden aýlaq bolyp, basyn tynysh saqtaǵany abzal. Meniń oǵan jáne basqa oıynshylarǵa beretin keńesim mynaý – oıynǵa tastúıin bolyp kirisý kerek, sonda bári de oryn-ornyna keledi.
Rýslan Igilik.
Derekkóz: Chempıonat.Rý.
Foto: Chempıonat.Rý.
