Halyqaralyq sot Nıgerııadaǵy qyzdardyń urlaný isin qaraıdy

Gaagadaǵy Halyqaralyq qylmystyq ister soty Nıgerııada mektepte oqıtyn 200-den astam qyzdy urlap ketý týraly isti qaraıtyn boldy. Bul týraly ITAR-TASS habarlady. Nıgerııanyń Port-Harkort qalasynda aksııaǵa qatysýshylar urlanǵan qyzdardy bosatýdy talap etýde. Beısenbi kúni jarııalanǵan málimdemede Halyqaralyq sottyń bas prokýrory Fatý Bensýda Nıgerııanyń Borno shtatynda oryn alǵan qyzdardyń urlanýy týraly aqparǵa qatty alańdap otyrǵanyn bildirdi. Onyń sózine qaraǵanda, «bul is Halyqaralyq sottyń qaraýyna túsip otyrǵan erekshe oqıǵa bolmaq». Fatý Bensýda izdeý men qutqarýǵa arnalǵan operasııanyń balalardy úılerine saý jáne búlinbegen qalyptarynda qaıtarýǵa múmkindik beretinine úmit artatynyn jetkizdi. «Mundaı áreketter aqtaýǵa jatpaıdy. Bul sumdyq qylmysqa Nıgerııadaǵy nemese Halyqaralyq qylmystyq sotyndaǵy quqyq qorǵýshylardyń nazaryn aýdarý úshin baryn salý kerek», - dep atap ótti prokýror. Eske sala keteıik, bıylǵy 14 sáýir kúni «Boko Haram» ekstremıstik tobynyń sodyrlary Nıgerııanyń soltústik-shyǵysyndaǵy Chıbok eldi mekeniniń lıseıinde oqıtyn 276 oqýshy qyzdy kepildikke alyp ketken bolatyn.  Polısııanyń málimeti boıynsha, 53 jasóspirim qyz qashyp úlgergen, al 223-i áli kúnge deıin qaraqshylardyń qoldarynda otyr. «Boko Haram» tobynyń sodyrlary ózderiniń oqý oryndaryna shabýyl jasaýlaryn «batys oqýlarynyń toqtatylyp, qyzdardyń mektepti tastap, kúıeýge tııýleri kerek» ekenimen túsindirdi. Halyqaralyq qylmystyq is soty Nıgerııadaǵy oqıǵalarǵa 2010 jyldan beri aldyn ala tekserý júrgizip keledi. «Boko Haram» adamzatqa qarsy qylmys jasap, áskerı qylmystarǵa boı uryp júr dep aıyptalyp otyr. Murat Aıtqoja. Derkkkóz: ITAR-TASS. Foto: AP Photo/ Sunday Alamba.