Keńeske ishki ister mınıstrliginiń, Bas prokýratýranyń, Joǵarǵy sottyń ókilderi men jaýapty qyzmetkerler qatysty.
Habarlanǵandaı, qazirgi ýaqytta 134 myńnan astam qylmystyq is elektrondyq formatta tergelýde, bul sotqa deıingi tergeý organdarynyń óndirisindegi isterdiń jalpy sanynyń 90%-dan astamyn quraıdy.
Keńes barysynda óńirler boıynsha elektrondyq qylmystyq isterdi júrgizý tájirıbesi qaraldy.
Jıyn qorytyndysy boıynsha komıtet tóraǵasy elektrondyq formatta qylmystyq isterdi tergeýdiń tıimdiligin arttyrýǵa baǵyttalǵan uıymdastyrýshylyq jáne tehnıkalyq sharalar keshenin ázirleý boıynsha birqatar usynystar aıtty.
Atap aıtqanda, IIM-ge prokýratýra organdaryna elektrondyq qylmystyq isterdiń materıaldaryn qaǵaz jetkizgishte bastamashylyq jiberý jáne elektrondyq ister boıynsha qaǵaz formatta tergeý áreketterin júrgizý praktıkasyn alyp tastaı otyryp, qylmystyq isterdi elektrondyq tergep-tekserý boıynsha jumystyń jaı-kúıine vedomstvolyq baqylaýdy arttyrý usynyldy.
«Qadaǵalaýshy prokýrorlardyń nazary elektrondyq ister boıynsha qaǵaz qujattardy talap etýdi boldyrmaı, SDTBT-de prosestik sheshimderdi tek elektrondyq formatta bekitý qajettigine aýdaryldy. Bas prokýratýra Joǵarǵy Sotpen birlesip Elektrondyq qylmystyq isterdi úzdiksiz tirkeý maqsatynda SDTBT jáne «Tórelik» aqparattyq júıeleriniń tehnıkalyq ózara is-qımyly boıynsha jumysty jalǵastyrady», delingen Quqyqtyq statıstıka jáne arnaıy esepke alý komıtetiniń habarlamasynda.
Kezdesý sońynda qatysýshylar qylmystyq isterdi tergeýdiń elektrondyq formatyn odan ári jetildirý boıynsha birlesken sheshimder qabyldady.
