Soıa soýsyndaǵy qospa VICh-pen kúreste kómektesedi

ASTANA. 9 mamyr. Soıa soýsyndaǵy ımmýnotapshylyq vırýsynyń (VICh) damýyn toqtatatyn qospa tabyldy. Bul týraly ITAR-TASS habarlady. Sársenbi kúni Mıssýrı shtatyndaǵy ýnıversıtet medısına mektebiniń molekýla bıologııasy jáne ımmýnologııa professory Stefan Sarafıanostyń basshylyǵymen jumys jasaýshy zertteýshelir toby amerıkalyq BAQ ókilderine osyndaı málimdeme jarııalady. Sóz etilip otyrǵan EfdA molekýlasyn 2011 jyly Yamasa soıa soýsyn óndirýshi japon kompanııasynyń mamandary tapty. Sonda atalmysh qospanyń soıa dámin kúsheıtip qana qoıa salmaı, VICh-ınfeksııasymen aýyrýshylardy emdeý kezinde qoldanylatyn antıvırýsty tenofır preparatyna qatty uqsaıtyny anyqtalǵan bolatyn. «VICh-ten tenofovır arqyly emdelýshiler aqyr sońynda osy preperatqa úırenip ketetini, sonyń negizinde vırýstan qorǵanýdyń tıimdilik ápere qoımaıtyny baıqaldy», - dep túsindirdi Sarafıanos. Onyń aıtýynsha, VICh-pen aýyrýshy naýqastar EfdA molekýlasyna anaǵurlym az beıimdeledi, sonyń áserinen preparat adamǵa tez áser etip, tenofovırge qaraǵanda organızmdi baıaýyraq buzady. Ǵalymdar EfdA molekýlasyn VICh-pen aýyrýshy maımyldarǵa qoldanyp kóripti. «Bul janýarlardyń aýrýlarynyń kúshtiligi sondaı, olardy jaqyn arada uıyqtatyp óltirýge týra keletin. Alaıda, EfdA-ny qabyldaǵasyn bir aı ótkennen keıin olar ózderin óte keremet sezine bastady, al olardyń qandaryndaǵy VICh konsentraty áreń bilinetindeı dárejege jetti», - dep atap ótti osy zertteý jumystaryna qatysqan Pıttsbýrg ýnıversıtetiniń bıohımıgi Maıkl Parnıak. Onyń aıtýynsha, júrgizilgen tájirıbeler EfdA molekýlasynyń belsendiligi sondaı, onda aýrýdyń damyp úlgere almaı qalatyny belgili bolǵan. Qazir EfdA molekýlasynyń VICh-pen kúrestegi tıimdiligin Amerıkanyń Merck atty farmasevtik alyp kompanııasy zerttep jatyr. Murat Aıtqoja. Derekkóz: ITAR-TASS. Foto: AP Photo/ Sunday Alamba.