Astanada shaqqan adamyn óltiretin ýly masa paıda boldy

ASTANA. 12 mamyr. Elordada shaqqan adamyn óltiretin ýly masalar paıda boldy. Onyń oshaǵy ázirge irgedegi aýyldarda kórinedi. Qazir birtindep ortalyqqa qaraı jaqyndap keledi. Bul týraly KTK arnasy habarlady. Elordanyń sanıtarlyq epıdemıologtary qazir qansorǵyshtarmen kúresti bastap ketti. Biraq kúres negizinen masa kórineti qas qaraıǵan shaqta ǵana júredi. Alaıda, jurtty «keselden qorǵaımyz» dep júrgen jandardy túsinbeı júrgender de jeterlik. Al sanıtarlar qaterdiń aldyn-alý maqsatynda jándikterdiń ósip-ónýleri yqtımal jerlerdi túgel ýlap jatyr. «Bóshkelerge quıylǵan sýǵa SES qyzmetkerleri ý aralastyrady. О́ıtkeni, masalardy osy ýly qospamen ǵana kózin joıýǵa bolady», dep habarlady KTK arnasy. «Túnimen daryldatyp júrgenimiz turǵyndarǵa unamaıdy. Aıqaılap, ursyp, polısııa shaqyrtamyz deıdi. Basqa amalymyz joq endi. Shashyp júrgenimiz ýly ǵoı. Kúndiz adamdar ýlanyp qalýy ábden múmkin. Al, bul jumystyń bári sol turǵyndar úshin», – deıdi dezınfeksııalaýshy  Denıs Rýkabert. SES qansha álek bolǵanymen, jándikterdiń qaýipti túrleri paıda bolýda. Bul joly anofles dep atalatyn masa bas kóteripti. Qaýipti qansorǵysh elorda irgesin jaýlap alǵan eken. Endi ortalyqqa jappaı aǵylýy ǵajap emes. Eń qorqynyshtysy, jándikke talanǵan adam ólip ketýi múmkin. Bolmasa bezgek aýrýyn juqtyrýy yqtımal. Astana qalalyq SEQB bas mamany Aıbarsha Dúısenbaıdyń málimdeýinshe, Astana qalasynda anofles masasynyń paıda bolý túri bar. О́ıtkeni, onyń paıda bolýyna qolaıly jaǵdaı týyp otyr. Masanyń birinshi oshaǵy Mıchýrın kentinde 2013 jyly tabylǵan. Ekinshi oshaǵy jaqynda Alash tas jolynan shyqty. Qansorǵyshpen kúres qazir kúsheıtilip keledi. Onyń qalaǵa jaıylmaýy úshin batpaqty jerler men ózen-kólder ǵana emes, turǵyn úılerdiń jertólelerine ý sebilip jatyr. Al qansorǵyshtardan qorǵaný úshin esik terezeni qymtap otyrǵan jón. О́ıtkeni, qaýipti jándikten qansha qorǵanǵanymen, ol osy jazda oıran salýy ábden múmkin. Munyń ústine, bıyl sınoptıkterdiń boljamynsha elimizde jaýyn-shashyn mol bolady. Bul turǵynar úshin qaýip. Ásirese jazda. Sebebi, jańbyrdan keıin masalarǵa jan bitip, belsendilikteri arta túsedi eken. Al masalar bas qalany basyp almasy úshin SES qyzmetkerleri 24 táýlik boıy udaıy kezekshilik uıymdastyrady. Murat Aıtqoja. Derekkóz: KTK. Foto: www.ooocharli.ru.