Sankt-Peterbýrg qalasynda qazaqtyń etno-aýyly ashylady

ASTANA. 12 mamyr. 17 mamyrda Sankt-Peterbýrg qalasynda Astananyń mádenı kúnderi bastalady. Bul týraly astana.kz saıty habarlady. Astananyń Sankt-Peterbýrgtegi kúnderi aıasynda ultymyzdyń rýhanı qundylyqtaryn nasıhattaý baǵytynda arnaıy «Qazaq aýyly» ekspozısııasy qurylady dep kútilýde. Bul etno-aýylmen tanysýǵa kelgender qazaq qolónershileriniń sheberlik saǵattaryna qatysýǵa múmkindikteri bolady. Sondaı-aq, «Qazaq aýylyna» at basyn burǵandar ultymyzǵa tán qolóner buıymdary: shı, basqur, syrmaq, keste, kilem, qamshy jáne taǵy basqa da dúnıelermen tanysady. Budan basqa, ádet-ǵuryp, salt-dástúrlerimiz ben yrym-senimderimiz de kelýshilerdiń nazaryna usynylmaq. Árıne, mundaı mádenı-tanymdyq sharalar ulttyq án-kúısiz, bısiz ótýi múmkin emes. Sondyqtan, pıterlikter aldynda Astana ballet bı ujymy, «Solıster akademııasy» memlekettik kameralyq orkestri óner kórsetpek. Bul shara atalǵan eki qala arasyndaǵy iskerlik baılanystardy nyǵaıtý maqsatynda qolǵa alynyp otyr. Joldybaı Bazar. Derekkóz: astana.kz. Foto: arnapress.kz.