«Osy jylǵy 31 tamyzda Qazaqstan Respýblıkasynyń Memlekettik keńesshisi Erlan Qarınniń tóraǵalyǵymen ótken Shetelde kadrlar daıarlaý jónindegi respýblıkalyq komıssııanyń kezekti otyrysynda stıpendııalardy taǵaıyndaý týraly sheshim qabyldandy.
Bıyl «Aqparattyq tehnologııalar men júıeler», «Bıotehnologııa. Bıoınjenerııa. Bıomedısına. Bıohımııa», «Kólik tehnologııalary. Kólik ınjenerııasy. Logıstıka», «Bilim berý salasyndaǵy basqarý», «Úlken derekterdi taldaý. Salalar boıynsha predıktıvti taldaý» jáne basqa da mamandyqtar suranysqa ıe boldy», - delingen atalǵan ortalyq málimdemesinde.
«Bolashaq» stıpendııasyn taǵaıyndaýǵa úmitkerlerdi irikteý boıynsha konkýrs jylyna 3 ret ótedi. Qorytyndy shilde, tamyz jáne jeltoqsan aılarynda shyǵarylady. Jyl sońyna deıin respýblıkalyq komıssııanyń taǵy bir otyrysy ótpek.
Jalpy alǵanda, bıyl magıstratýra men rezıdentýraǵa 385 stıpendııa, doktorantýraǵa 60, taǵylymdamadan ótýge 110 stıpendııa bólindi.
«Bolashaq» stıpendııasyn taǵaıyndaýǵa konkýrstyq irikteýge qatysý úshin qujattar qabyldaý bıylǵy jylǵy 23 mamyrda bastaldy jáne 14 qazanǵa deıin jalǵasady.
5 qyrkúıekte taǵylymdamadan ótý úshin qujattar qabyldaý bastalyp, 2022 jylǵy 14 qazanda aıaqtalady.
«Bolashaq» halyqaralyq stıpendııasy ıegerleriniń tizimin «Halyqaralyq baǵdarlamalar ortalyǵy» AQ saıtynda jarııalanǵan.
