Sıfrlyq habar taratý – zaman talaby

Muny árbir qazaqstandyq azamat sezinetin bolady. Zamanaýı órkenıet jańalyqtaryn qabyldap, ómirińizdi yńǵaıly ári «ozyq» etesiz be, álde tym jyldam damyp jatqan tehnologııalyq progresten boıyńyzdy aýlaq ustap, tehnologııanyń qazirgi úrdisin joqqa shyǵarýǵa tyrysasyz ba?! Barlyq jańa nárse adamzatqa naqty paıda ákelmeıinshe, qashan da qorqynysh pen senimsizdik týdyratyny málim.

Analogty telehabar taratýdy sıfrǵa aýystyrý – álemdik prosess. Sonyń ishinde Qazaqstan da «sıfrlyq» keńistikti qarqyndy ıgerýde. 2012 jyldan bastap el halqynyń 92%-dan astamy tele­vızııalyq digital-pishimge kóshti.

Qazaqstandyqtar «sıfrǵa» senim bildirýde, muny túsindirýge bolady. Biraq ol týraly aıtpas buryn, analogty habar taratý júıesiniń nelikten kúni bitkeniniń sebebin anyqtaý kerek.

Analogty sıgnal syrtqy áserlerge óte osal, keıde aıaqasty joǵalyp ketýi múmkin. Ony antennanyń kómegimen nemese provaıderdiń televızııalyq kábilin paıdalanyp ustap alýǵa bolady. Mundaı televızııanyń kemshiligi – sıgnaldyń kedergige álsizdigi keskin men dybys sapasynyń nasharlaýyna ákeledi. Nashar aýa raıynda – jel, jańbyr, naızaǵaı kezinde sıgnal nasharlap, kórermen sýretti kedergilermen, burmalanǵan dybyspen nemese múldem dybyssyz alady. Habar taratý sapasyna telestansanyń alystyǵy da áser etedi.

Buryn, ıaǵnı sıfrlyq telehabar taratý paıda bolǵanǵa deıin analogty televızııa televızııalyq keskin men dybysty taratýdyń jalǵyz ádisi bolatyn. Sıfrlyq habar taratý analogqa qaraǵanda áldeqaıda uzaq qashyqtyqta qabyldanatyn qorǵanys pen sıgnaldyń joǵary deńgeıine ıe. Sıfrlyq sıgnal kedergige tózimdi jáne kórermenderge, tipti eń qashyq eldi mekenderge de óziniń bastapqy túrinde, bóten shý men burmalanýsyz jete alady.

Sıfrlyq televızııalyq habar taratýdy damytý qoljetimdi baǵdar­lamalardyń sanyn kóbeıtedi, ınter­aktıvti habar taratýdy engizedi jáne halyqqa qosymsha qyzmetter usy­nady. Bul, sonymen qatar, turǵyn­dardy kóp baǵdarlamalyq TV habar taratýmen qamtýdaǵy sáıkessizdikterdi joıýǵa, eldiń barlyq turǵyndaryna aqparattyq resýrstarǵa qoljetim­dilikti qamtamasyz etýge, tele­baǵdar­lamalardyń keskini men dybysynyń sapasyn jaqsartýǵa kómektesedi.

Bul – jańa dáýirdiń týýy jáne biz osyndaı tańǵajaıyp ózgeristiń kýágeri ǵana emes, atalǵan tarıhı prosestiń belsendi qatysýshylary da bolyp otyrmyz.