«QR Eńbek kodeksine sáıkes jumys berýshiler jumyskerlerge eńbekaqyny ETJ-dan tómen emes deńgeıde qamtamasyz etýge mindetti. Osynyń arqasynda ártúrli menshik nysanyndaǵy kásiporyndardyń barlyq salalarynda jumys isteıtin jalaqysy 70 myń teńgege deıingi 1,8 mln-ǵa jýyq jaldamaly jumyskerdiń aqshalaı kiristeri ósedi», delingen Eńbek jáne halyqty áleýmettik qorǵaý mınıstrliginiń baspasóz qyzmeti taratqan habarlamada.
Vedomstvo aqparatyna sáıkes, birinshi kezekte ETJ kóterilýi «jalaqysy tómen» qyzmetkerlerge qatysty bolady. Ekinshiden, jalaqy deńgeıin belgileý kezinde ETJ kórsetkishin paıdalanatyn jumys berýshiler razrıadaralyq biliktilik júıesin eskere otyryp, qyzmetkerlerdiń basqa sanattarynyń jalaqysyn qaıta qaraıdy.
Aıta ketsek, Prezıdent Úkimetke eń tómengi jalaqyny anyqtaýdyń jańa ádistemesin engizýdi tapsyrǵan edi. Bul onyń mólsherin kezeń-kezeńimen arttyrýǵa múmkindik beredi.
Júktelgen tapsyrmany oryndaý maqsatynda mınıstrlik mamandary dınamıkalyq tásildemege negizdelgen jáne negizgi ekonomıkalyq kórsetkishterdi eskeretin ETJ aıqyndaý ádistemesin ázirleýge kiristi.
