«Syn saǵatta qostanaılyqtarǵa kómektesý – bizdiń paryzymyz. Partııa Tóraǵasy Erlan Qoshanovtyń bastamasymen barlyq óńirlik fılıaldarda pýnktter ashtyq. Barlyq partııalyqtar qoldaý kórsetti. Sonyń nátıjesinde 312 tonna gýmanıtarlyq kómek jınalyp, birtindep osynda jetkizile bastady. Bul – azyq-túlik, kıim-keshek, gıgıenalyq quraldar, turmystyq tehnıka jáne taǵy basqalar», dedi «AMANAT» partııasynyń Hatshysy Rınat Kertaev.
Atap aıtqanda, «AMANAT»-tyń Qostanaı oblystyq fılıalyndaǵy partııalyqtardyń kúshimen jınalǵan 20 tonna kómek jetkizildi.
Sondaı-aq, búginniń ózinde Áýlıekól aýylyna Nur-Sultan, Almaty qalalarynan jáne Aqmola, Atyraý, Aqtóbe, Atyraý, Soltústik Qazaqstan oblystarynan júk kólikteri keledi. «Jastar Rýhy» jastar qanatynyń múshelerinen quralǵan volonterlerdiń alǵashqy toby zardap shekkenderge kómek kórsetý jáne qalpyna keltirý jumystaryna qatysý úshin Qostanaı oblysyna keldi.
