Bul jobaǵa Túrkııanyń syrtqy ister mınıstrligi, mádenıet jáne týrızm mınıstrligi, Eýropa Odaǵynyń basshylyǵy jan jaqty qoldaý kórsetti.
Halyqaralyq joba Túrki memleketteri táýelsizdiginiń 30 jyldyǵyna oraı bastalýy kerek bolatyn. Alaıda pandemııaǵa baılanysty keıinge shegerildi.
Rallıge qatysýshylar kólikterine túrki memleketteriniń týlaryn jabystyryp, barǵan elderinde túrki álemi týraly aqparat berýde.
Majarstan astanasy Býdapeshtte bastalǵan shara Túrkııa, Grýzııa, Ázerbaıjanda jalǵasty. Joba qatysýshylary Beıneý porty arqyly qazaq jerine at basyn buryp, 7 qyrkúıek kúni Túrkistan qalasyna keledi. Keıin О́zbekstanǵa baryp, Qyrǵyz jerinde márege jetedi.
Aıta ketý kerek, alǵashqy ret ótkizilip otyrǵan rallıge qatysýshylar jalpy kólemi 9100 shaqyrym jol júredi.
