Ońtústik Koreıa buqaralyq aqparat quraldary eldiń ártúrli bólikterindegi paromdardyń qozǵalysy toqtatylǵany týraly aqparat tarata bastady.
Dúısenbide taıfýn Ońtústik Koreıanyń Chedjýdo aralynyń mańynda ótti. Onyń jyldamdyǵy saǵatyna 216 km-ge deıin jetti. Araldaǵy jergilikti bılik mektepterdegi sabaqtardy toqtatyp, kóptegen kásiporyndar jabyldy.
Sınoptıkter seısenbi kúni «Hınnamnor» Ońtústik Koreıanyń ekinshi úlken qalasy Pýsanǵa jaqyn ornalasqan aýdandarǵa túsetinin boljady.
Taıfýnnyń jaqyndaýyna baılanysty seısenbiden bastap Seýlde bastaýysh jáne orta mektepterdegi sabaqtar onlaın formatta ótkiziledi.
Ońtústik Koreıanyń meteorologııalyq qyzmeti taıfýnnyń saldarynan búkil elde qatty jel men nóser kútiletinin, jaǵalaýdaǵy aýdandarda joǵary tolqyndar, daýyl men sýnamı bolatynyn habarlap, jergilikti turǵyndardy saq bolýǵa shaqyrdy.
Mamandar taıfýnǵa qaýiptiń úshinshi sanaty berilgenin aıtady. Qazirdiń ózinde jeldiń ekpini saǵatyna 176 km-ge deıin jetedi.
