Kedendik tekserý barysynda Qazaqstan Respýblıkasynan О́zbekstan Respýblıkasyna ótý baǵytyndaǵy jolaýshylar termınalynda «Rapiscan» rentgentelevızıondyq qurylǵy arqyly qol júgin tekserý kezinde «A» esimdi 2003 jyly týǵan ózbekstandyq azamattan 25 000 AQSh dollary anyqtaldy.
Kúdiktiniń ústinen ákimshilik is qozǵalyp, iske qatysty materıaldar Saryaǵash aýdandyq mamandandyrylǵan ákimshilik sotyna prosessýaldyq sheshim qabyldaý úshin jiberildi.
Memlekettik kirister komıteti shetelge shyǵýdy josparlaǵan azamattarǵa Qazaqstan Respýblıkasynyń qoldanystaǵy zańnamasyn saqtaý qajet ekenin eske saldy.
«Qazaqstan Respýblıkasynyń qarjylyq turaqtylyǵyn qamtamasyz etý jónindegi sharalar týraly» Qazaqstan Respýblıkasy Prezıdentiniń 2022 jylǵy 14 naýryzdaǵy № 830 Jarlyǵymen Qazaqstan Respýblıkasynan:
- 10 000 (on myń) AQSh dollary balamasynan asatyn jáne áketý kúnine belgilengen QR Ulttyq bankiniń baǵamy boıynsha eseptelgen somadaǵy qolma-qol shetel valıýtasy jáne (nemese) shetel valıýtasyndaǵy aqsha quraldaryn;
- QR Ulttyq Banki shyǵaratyn 5, 10, 20, 50 jáne 100 gramm affınırlengen altyn quımalaryn jáne «ALTYN BARYS» altynynan jáne «KÚMIS BARYS» kúmisinen jasalǵan ınvestısııalyq monetalardy, sondaı-aq 100 gramnan astam affınırlengen altyndy áketýge tyıym salynǵanyn eske salamyz», delingen vedomstvo aqparatynda.
