El ıgiligine qyzmet

Memleket basshysy «Ádiletti memleket. Birtutas ult. Berekeli qoǵam» atty kezekti Joldaýynda «Orta bilimniń sapasy – tabysty ult bolýdyń taǵy bir mańyzdy sharty. Árbir oqýshynyń bilim alyp, jan-jaqty damýy úshin qolaı­ly jaǵdaı jasalýǵa tıis» dedi. Osy­ǵan oraı orta bilim alýshyǵa jan-jaq­ty qolaıly orta qalyptastyrýǵa arnal­ǵan «Jaıly mektep» jobasy bilim sa­lasyn jetildirýge baǵyttalǵan bas­ta­ma­lardyń biri ekeni sózsiz. Sebebi joba sheńberinde Memleket basshysy ınno­va­sııalyq tehnologııa arqyly oqý-tár­bıe jumysyn jaqsartýǵa, jalpy elimizde zamanaýı talapqa saı bilim orda­lary­nyń kóptep salynýyna mán berip otyr.

Balalarymyzdyń bilim alýyna qolaıly jaǵdaı týǵyzý úshin, eń aldymen, úsh aýysymdyq mektepter máse­lesi sheshilse deımiz. «Jaıly mektep» ulttyq jobasy – bilim salasynda ilgeri­leý úshin jasalyp jatqan jaqsy qadam. Taǵy bir jaǵymdy jańalyq, ult urpaǵynyń sapaly bilim alýy úshin pedagogıkalyq joǵary oqý oryndaryn akkredıtasııalaýdyń jańa standartyn qabyldaý máselesi. Bul jaǵdaıda ustazdardyń quzyret aıasy aıqyndalyp, mamandyqtyń abyroı-bedeli arta túseri anyq. Básekege qabiletti, ózgeriske beıim, qoǵamnyń talabyna saı tulǵany qalyptastyrý úshin jahandyq ǵylymı-tehnıkalyq baǵyttaǵy pánderdi tereńdetip, aǵylshyn tilinde oqytýdy kúsheıtý mańyzdy. Birneshe tildi bilýdiń artyqtyǵy joǵyn basa aıtqan Memleket basshysynyń sózine qosyla otyryp, basym baǵytty óz ana tilimizge aýdarýdy qoldaımyn. Ult bolyp qalyptasý úshin ana tilimizdiń deńgeıi birinshi orynda turýǵa tıis. Memlekettiń basty kúshi jastarda bolsa, jastarǵa artylǵan senim óz ultynyń qundylyqtaryn qurmetteýmen kórinýi kerek.

Bilim salasynda Oqý-aǵartý mınıstr­liginiń Memleket basshysynyń tapsyr­masyn oryndaýda belsendi is-áreket­terdi qolǵa alǵanyna kýá bolyp kele­miz. Máselen, mınıstrlik muǵalim márte­besin arttyrýda ata-analardyń úlesi zor ekenin eskerip, ekijaqty áriptes­tik qarym-qatynasty ornata oty­ryp, bilim berý vaýcherlerin engizýdi jospar­lap otyr. Ult sapasynyń damýyna taǵy bir úles qosatyn dúnıe – mem­leket bóletin qarajattyń bilim berý esep­­shot­tarynda jınaqtalýy. Ulttyq qor­­dyń shyn máninde ulttyq mártebe­ge ıe bolyp, halyqtyń ıgiligine jumsa­lýy kóp túıinniń sheshimi bolary anyq. Bul bastama árbir balanyń bolasha­ǵyna quıylatyn ınvestısııa ekenin eskergenimiz jón.

Rysjan ShAMURATOVA,

Nur-Sultan qalasyndaǵy «№2 «Daryn» lıseı-mektep-ınternatynyń basshysy