Belarýs halqy da bıyl osyndaı saıası naýqandy eńserdi. El Konstıtýsııasyna birqatar ózgeris engizildi. Sondyqtan biz mundaı saıası reformanyń máni men mańyzyn, jaýapkershiligi men júgin jaqsy túsinip otyrmyz. Qazaqstan Prezıdentiniń kezekti Joldaýy osy kezeńniń jalǵasy ispettes. Biz Joldaýdyń aýqymyn kórip otyrmyz, bir ǵana áleýmettik-ekonomıkalyq salanyń halyq ıgiligine baǵyttalǵan qanshama máselesin qamtydy. Bıznes salasyn damytýda ulttyq múddemen balansy qarastyrylǵan. Jastardan bastap, árbir toptyń áleýmettik jaǵdaıy, bılik pen kásipkerliktiń arasyndaǵy baılanystyń tıimdiligi, ekonomıkany damytýda salyq kodeksin qaıta qaraý, ınvestısııa tartýdaǵy máseleler – barlyǵy tolyqtaı el ıgiligine oraılastyrylǵan.
Qazaqstan men Belarýs arasynda kóptegen iri joba júzege asyrylyp keledi. Joldaýda aıtylǵan basymdyqtar eki el arasyndaǵy baılanysty odan ári keńeıtip, yntymaqtastyqty nyǵaıta túspek. Densaýlyq saqtaý, bilim salasyndaǵy is-sharalar tek respýblıka kóleminde emes, aýyldyq jerlerde de iske asady dep josparlap otyrmyz. Bul da yntymaqtastyǵymyzdy odan ári arttyrýǵa tyń serpin bererine senimdimin.
Infografıkany jasaǵan Amangeldi Qııas, «EQ»
Pavel ÝTIýPIN,
Belarýs Respýblıkasynyń Qazaqstandaǵy Tótenshe jáne ókiletti elshisi
