Bul bastaý alǵan saıası ózgeristerdiń jalǵasy. Sondaı-aq Prezıdenttiń sózi men isi bir jerden shyǵatynynyń aıqyn dáleli. Munyń bári elimizdegi reformalar baǵytynyń dáıektiligin jáne onyń eldegi demokratııany nyǵaıtýǵa baǵyttalǵanyn kórsetedi. Eń bastysy, Joldaýda qazaqstandyqtardy qazirgi kúnderi tolǵandyryp otyrǵan eń ózekti saýaldarǵa naqty jaýap berildi.
Barshaǵa aıan, keń-baıtaq elimizdiń ońtústik-shyǵys shebine qonys tepken bizdiń aýdan – negizinen agrarlyq aımaq. Sondyqtan Joldaýda aýyl sharýashylyǵyna baılanysty atap kórsetilgen máseleler aıryqsha nazar aýdartty. Iаǵnı bul baǵytta usynylǵan barlyq reforma – salanyń jańa jaǵdaıda damýyna tyń serpin beretin progressıvti ári ýaqtyly sharalar dep sanaımyz. Shyn máninde, ıgerilmegen jerlerdi qaıtarý, sý resýrstarynyń jetispeýin azaıtý, joldardy jóndeý – eń kókeıkesti máseleler. Al aýyldardaǵy medısınany damytý naǵyz sheshimin kútip turǵan sala bolatyn. Muny da sheshý jolyn Memleket basshysy múltiksiz kórsetip berdi.
Sonymen qatar áleýmettik-ekonomıkalyq salany damytýǵa da aıryqsha nazar aýdaryldy. Ásirese áleýmettik saladaǵy azamattardyń múddesi jan-jaqty qorǵalýy úshin birqatar baǵaly bastama kóterilgeni barshamyzdy qýantty. Áıelderdiń zeınet jasyn ózgertý máselesin ońdy sheship, 2028 jylǵa deıin 61 jas deńgeıinde qaldyrǵany áıelderdiń kóńilinen shyqty. Ana men bala máselesine jete kóńil bólinip, bala kútimi úshin tólemaqy sábı bir jarym jasqa tolǵanǵa deıin tólenetini de asa mańyzdy shara. Al Ulttyq qordyń jyl saıynǵy ınvestısııalyq tabysynyń 50 paıyzy balalar kámelet jasqa tolǵanǵa deıin olardyń arnaıy shotyna túsip turatyny tipten tánti etti. «Qazaqstan halqyna» qory arqyly áleýmettik álsiz jandarǵa kómek kórsetiletini de áleýmettik ádildik pen teńdikti ornatýdyń bir quraly ekeni daýsyz. Úkimetke jastarǵa arnalǵan jańa 100 myń jumys ornyn ashýdy, olarǵa óz kásibin ashý úshin 2,5 paıyzdyq jeńildetilgen nesıe berýdi tapsyrǵany – jastarymyzdyń myqty maman, isker kásipker bolýyna jol ashady dep oılaımyz.
Infografıkany jasaǵan Amangeldi Qııas, «EQ»
Jalpy, kópten kútken bul Joldaýda memleketimizdiń damýyna, halqymyzdyń ál-aýqatyn jaqsartýǵa qatysty eń mańyzdy máseleler túgel qamtylyp, ony oryndaýǵa baılanysty nusqaýlar naqty atap kórsetildi.
Marat SAǴYMBEK,
Panfılov aýdanynyń ákimi
Jetisý oblysy
