Jıyn barysynda qatysýshylar agrarlyq sektorda dıdjıtal tehnologııalardy paıdalaný, sharýashylyq qojalyqtarǵa arnalǵan sıfrlyq múmkindikter, Fransııa men Qazaqstan kompanııalary arasyndaǵy yqpaldastyq máseleleri talqylanýda.
Oǵan Per PÝLEN (Valeur-Tech Fransııa), Ilan MEZER (Connecting Food), Dıde KANESS (Fransııanyń Qazaqstandaǵy elshisi), Aýyl sharýashylyq vıse-mınıstri Baǵlan BEKBAÝOV, QR sıfrlyq damý, ınnovasııalar jáne aeroǵarysh ónerkásibi vıse-mınıstri Asqar JAMBAKIN, Serik Tolýkpaev (Aitas holdıngi), Nurlan Ospanov (Qazaqstan astyq óndirýshiler odaǵy), Talǵat ALDAJAROV (Aitas Agro), Maǵjan MÁDIEV (Astana Hub) jáne t.b. qatysýda.
Halyqaralyq konferensııada birinshi bolyp Fransııanyń Qazaqstandaǵy Elshisi Dıde KANESS sóz sóıledi.
«Fransııa aýyl sharýashylyǵy salasyndaǵy kóshbasshylardyń biri. Biz noý-haý, jańa tehnologııalarmen bólise alamyz. Qazaqstanda aýyl sharýashylyǵy qarqyndy damyp keledi. Terrıtorııasy aýqymdy memleketterdiń qatarynda. Sondyqtan eki el arasyndaǵy yntymaqtastyǵymyzdyń perspektıvasy zor. Myna sharaǵa Qazaqstan men Fransııa kompanııalary qatysýda. Olar aýyl sharýashylyǵyn turaqty damytýǵa qol jetkizý, sondaı-aq agrarlyq salanyń ónimdiligi men tıimdiligin odan ári ulǵaıtý isinde birlese jumys isteıdi degen senimdemiz, ári oǵan sıfrlandyrýdy aıqyn yqpal etedi», dedi ol.
Aýyl sharýashylyǵy vıse-mınıstri Baǵlan Bekbaýov «Fransııa eliniń tehnologııasyn zerttep, tıimdisin paıdalanýǵa Qazaqstan múddeli» dedi. О́z sózinde eki el arasynda yntymaqtastyqty arttyryp, birge nátıjeli jumys isteý máselesiniń jan-jaqty talqylanyp jatqanyn aıtty.
Aıta ketsek, búginde elimizdiń agrarlyq sektorynda birqatar shara atqarylýda. Ekologııalyq qaýipsizdik talaptaryn eskere otyryp, ónimdilikti, ónim sapasyn jáne óndiristiń ekonomıkalyq tıimdiligin arttyrý úshin agrotehnologııalar belsendi túrde qoldanylýda.
«Sıfrlandyrý máselesi aýyl sharýashylyq salasy úshin asa mańyzdy. Biz fransýz seriktesterimen birlesip jumys isteýge qyzyǵýshylyq tanytamyz, ózimizdiń de bólisetin tájirıbemiz bar. Ekonomıkany damytamyz desek, IT sheshimdersiz júzege asyrý múmkin emes. Bul qaı salany bolmasyn shyǵyndaryn azaıtyp, tabysty ósirýdiń qolaıly ádisi. Sondyqtan fransýz áriptesterimizben uzaq merzimdi trendterge ıkemdelgen jáne turaqty baılanystardy qarastyryp jatyrmyz», dedi «Aitas group» kompanııasynyń bas dırektory Serik Tolyqbaev.
Qazaqstandyq kásipker Maqsut Baqtybaevtyń aıtýynsha, jańa tehnologııalardy engizý óndiris tıimdiligin ǵana arttyryp qoımaı, túsimniń ózin 20-30% arttyrýǵa yqpal etedi.
«Sıfrovızasııaǵa erte me, kesh pe bárimiz kelemiz. Búginde onsyz damý joq. О́ndiris oryndary, kásipkerler ónimniń qunyn tómendetip, paıdany ósiretin IT tehnologııalar ekendigin túsinýi kerek», deıdi ol.
Fransııa kompanııalary elimizdegi aýyl sharýashylyǵyn damytý úshin óz tehnologııalarymen bólisýge daıar ekendigin jetkizdi.
«Biz Qazaqstan kompanııalarymen birge jumys isteýge múddelimiz. Mysaly, bizdiń kompanııa qyzmetin Azııa, Afrıka elderi paıdalanady. Data málimetter arqyly aýyl sharýashylyǵynda shyǵyndy qysqarta alamyz», deıdi Paskal Venzak Weather Force meteo-kompanııasynyń quryltaıshysy.
Uıymdastyrýshylardyń aıtýynsha, konferensııanyń ótkizilýine Aitas Digital, My Easy Farm Platform, Weather Force Company, Connecting Food Platform, Astana Hub Technopark, The Grain Union of Kazakhstan, Most Holding, Thales Alenia Space, Qoldau Internet Resource kompanııalary qoldaý bildirgen.
