«2022 jylǵy 10 qyrkúıekte saǵat 10:00-de Qostanaı oblysy Áýlıekól aýdanyndaǵy orman órti sóndirildi. Buǵan deıin 7 qyrkúıek kúni saǵat 15:00-de lokalızasııa jarııalanǵan bolatyn», delingen baspasóz qyzmetinde.
О́rt 2 qyrkúıek kúni saǵat 15:10-da Áýlıekól aýdanyna qarasty Basaman jáne Semıozernyı orman sharýashylyǵy bólimderiniń aýmaqtarynda bastalǵan.
«О́rt bastalǵannan beri jalpy aýmaq 43 myń gektardy quraıdy. О́rt eki eldi mekendegi 91 úıdi sharpydy.
О́rt kezinde 12 adam dene jaraqatyn alǵan, kúıik shalǵan, jeńil jáne ortasha dárejede ýlanǵan. Zardap shekken 3 adam Áýlıekól aýdandyq aýrýhanasynda jatyr», dep habarlady TJD.
Jedel shtab jumysy bastaǵaly Tótenshe jaǵdaılar mınıstrliginiń senim telefonyna 38 qońyraý túsken. 87 azamatqa keńestik-psıhologııalyq kómek kórsetildi, 45 balaǵa toptyq psıhologııalyq jumystar júrgizildi. Áýe kemelerimen órt sóndirýge barlyǵy 327 sý tógý jumystary júrgizildi.
О́rtti sóndirýge qatysqan kúshter men quraldardyń jalpy toptamasy 207 birlik tehnıka men 1785 adamdy qurady. Basaman jáne Semıozernyı orman sharýashylyǵy bólimsheleriniń orman sharýashylyǵynyń 73 adamnan jáne 21 tehnıkadan turatyn kúshteri men quraldary ornynda qaldy. Jedel shtab óz jumysyn aıaqtady.
