Ulttyq jobany iske asyrý IT sektoryndaǵy IJО́ úlesin 5%-ǵa deıin jáne qoldanbaly ǵylymı zertteýlerdi jekemenshik birlesip qarjylandyrýda jeke sektordyń úlesin keminde 50%-ǵa arttyrýy tıis. «Otbasynyń sıfrlyq kartasy» pılottyq jobasyn júzege asyrý ataýly áleýmettik kómek alýǵa muqtajdyq týýy múmkin 480 myńnan astam otbasyn jáne zeınetaqy tólemderi men járdemaqy alyp otyrǵan 100 myńǵa jýyq azamatty qamtýǵa múmkindik berdi. Jobany bıylǵy jyldyń sońyna deıin paıdalanýǵa berý josparlanǵan.
Jyl sońyna deıin «Áleýmettik ámııan» júıesin iske qosý josparlanýda.
Jer qoınaýyn paıdalaný salasynyń tartymdylyǵyn arttyrý maqsatynda «Kaznedra» platformasyn engiziledi. Bul ınvestorlarǵa naqty ýaqyt rejıminde mıneraldyq resýrstardyń derekter bankine erkin qol jetkizýge múmkindik beredi.
«Biz zertteý júrgizýimiz kerek dep, ǵylymı zertteý jumystaryn kóbeıte bermeýimiz kerek. Eń aldymen, olardyń nátıjeliligi men ekonomıkanyń túrli sektorlarynda qoldanylýyn arttyrý – mańyzdy mindet. Sońǵy jyldary ǵylym týraly zańnamaǵa birshama ózgeris engizildi jáne ony qarjylandyrý eki esege jýyq ósti. Bizge jumsalǵan qarajattyń tıimdi qaıtarymy qajet. Otandyq ındýstrııa, ǵylymı qoǵamdastyq, ýnıversıtetter men bıznes barynsha ózara tyǵyz baılanys ornatýy qajet. Ǵylymı jetistikter óndiriske engizilip, halyqqa naqty paıda ákelýi tıis», dedi Álıhan Smaıylov.
Premer-Mınıstr joba aıasynda birqatar baǵyt boıynsha buryn belgilengen josparlar men keıbir kórsetkishterdiń oryndalmaı qalǵanyn atap ótti.
Pasıentterdiń densaýlyq jaǵdaıyn úzdiksiz baqylaý jáne proaktıvti medısınalyq qyzmet kórsetý úshin eHealth biryńǵaı ekojúıesin ázirleý jumystary ýaqytyly júrgizilmegen.
«Sıfrlyq agrokásiporyn» jáne «Sıfrlyq karer» jobalaryn iske asyrý barysynda da suraqtar kóp.
Jer men jyljymaıtyn múliktiń memlekettik kadastryn avtomattandyrý jáne ortalyqtandyrý rásimi aıaqtalmaǵan.
«Jalpy ınternet-qyzmetterdiń sapasyna qatysty suraqtar bar. Alystaǵy eldi mekenderdi aıtpaǵanda, bizdiń iri qalalarymyzda ınternet baılanystyń sapasy barlyq jerde birdeı jaqsy emes. Halyqtan túsip jatqan shaǵym kóp. Eger ınternet baılanys jaqsy bolmasa, sıfrlyq platformalardyń jáne aqparattyq júıelerdiń paıdasy joq. Sıfrlyq damý mınıstrligi bul máseleni erekshe baqylaýda ustaý kerek», dedi Úkimet basshysy.
