«Ulybrıtanııa tarapynan suranystyń kúrt artýy baıqalady. Ádette osy kezeńde biz brıtan naryǵyna apta saıyn 600-700 myń gúl jiberemiz, biraq Elızaveta patshaıymdy jer qoıynyna tabystaý kezeńinde bul kórsetkish 1,5 mıllıonǵa jetedi dep eseptep otyrmyz», dedi Anadoly sándik ósimdikter men ónimderdi eksporttaýshylar qaýymdastyǵynyń basshysy Ismaıl Iylmaz.
Ol birinshi kezekte qalampyrǵa suranys artqanyn túsindirdi. Tipti gúl jetkizýdi tezdetý úshin dástúrli júk kólikteriniń ornyna Ulybrıtanııaǵa áýe arqyly tasymaldana bastaǵan.
«Eger birinshi jaǵdaıda jetkizý 7-8 kúnge sozylsa, ushaq arqyly jiberilgen gúlder kelesi kúni-aq tapsyrys berýshige jetedi», dedi Antalııa taýar bırjasy assambleıasynyń múshesi Selchýk Chelebı.
Eske salsaq, 8 qyrkúıekte Ulybrıtanııa patshaıymy II Elızaveta 97 jasqa qaraǵan shaǵynda qaıtys boldy. Ony jerleý 19 qyrkúıekke josparlanǵan.
