Armenııa premer-mınıstriniń aıtýynsha, qaqtyǵys qarqyny báseńdegen, biraq shabýyl áli de jasalyp jatyr.
Ol parlamentarıılerge Ázerbaıjan prezıdenti Ilham Álıevpen Brıýsselde ótken kelissózde týyndaǵan kelispeýshilikter jaıynda aıtyp berdi.
Sondaı-aq Pashınıan 2020 jyldyń naýryzynda Baký tarapy bes shartty qamtyǵan beıbit kelisim usynǵanyn eske saldy. Osydan keıin armıan tarapy da óz sharttaryn alǵa tartqan.
«Brıýsseldegi kezdesý kezinde Ázerbaıjan beıbit kelissózder júrgizýden jáne biz usynǵan máselelerdi talqylaýdan bas tartqany belgili boldy. Shyn máninde, Baký Qarabaq máselesin talqylaǵysy kelmedi», dedi premer-mınıstr.
Aıta ketsek, 13 qyrkúıekke qaraǵan túni Ázerbaıjan men Armenııa shekarasynda qarýly qaqtyǵys boldy. Osyǵan baılanysty Nıkol Pashınıan UQShU-ǵa júginýge májbúr boldy.
