Maqsaty bıik músinshi

1991 jyly jazda Beıneý­de ómir­ge kelgen Bolatbektiń ónerge qyzy­ǵýshylyǵy úsh jasynan belgili bolǵan. Sol kezde-aq balshyqtan janýarlar músinin jasap, maıly boıaýmen kartı­nalar sala basta­ǵan Bolatbektiń bo­ıyn­daǵy sheberlik, ónerpazdyq sýret salýǵa qushtar ata-anasy­nan daryǵan bolýy kerek. O.Tańsyqbaev atyndaǵy Al­maty kórkemsýret ýchılı­shesin bitirip, 2011 jyly Astana qalasyndaǵy Qazaq ulttyq óner ýnıversıtetinen músinshi mamandyǵyn meńgerip shyqqan jas jigit atalǵan oqý ornynan ónertaný ǵylymdarynyń magıstri dárejesin alady. Gıps­ten, aǵashtan, shyny plas­tıkten jáne qoladan músin­der somdaıtyn onyń ónerine qyzyǵýshylyqpen qarap, tapsyrys beretinder de az emes. Búginde 40-tan astam eńbektiń birine avtor, birine qatysý­shy, birine oryndaýshy bolǵan Bolatbek Salaevtyń týyndylary elimizdiń biraz qalasynda boı kóterip keledi.

– О́z qııalymnan týynda­ǵan dúnıe­ler – avtorlyq eńbek­ter, al keı jaǵ­daılarda joba­s­yn syzyp nemese shaǵyn músin­di jasap kelip usy­natyndar bolady, oǵan óz ıdeıalarymdy qosa otyryp olardyń usynysyn oryndaımyn, bul – oryndaýshylyq eńbek. Al záýlim eskertkishterdi tur­ǵy­zýǵa birneshe adam qatarynda qatysýshy bolyp atsalysamyn, – deıdi Bolatbek.

Ol О́skemen qalasynda­ǵy bıiktigi 7 metrlik qoladan soǵylǵan «Qarataı batyr» eskertkishin salýǵa qatys­sa, Batys Qazaqstan obly­synda «Qadyr Myrza Álı», Qyr­ǵyzstanda «Abaı Qunan­baev», astanadaǵy Qazaq akademııa­lyq drama teatrynyń «Alpa­mys batyr» eskertkishterin salýda oryndaýshy­lyq qyz­metin atqarǵan. Bulardan bas­qa Qostanaı qalasynadaǵy «Femıda» qola músini men «Kámshat Dónen­baeva» qola bıýs­tiniń, Tatarstandaǵy ­qola­dan «Taıqazan», Almaty oblysyna О́tegen batyr, Atyraý qala­syna «Úsh bı», Qyzylorda oblysynda «Roza Baǵlanova» eskertkishteriniń oryn­daýshy­sy bolsa, Mańǵystaý obly­­sy­nyń Beıneý aýdanynda jáne Taraz qalasynda «Anaǵa taǵzym», Shy­ǵys Qa­zaqstan oblysynda «Abaı Qu­nanbaev» eskertkishteri­niń, Mań­ǵystaý oblysyndaǵy Baýtın selo­synda «Balyq­shylar» músininiń, elor­­da­daǵy «Dýlyǵa», «Kıiz úı» kon­strýksııalarynyń, «Iýnýs Emre» eskertkishiniń, Pet­ropavl qalasyn­da­ǵy «Jam­byl Jabaev» eskertkishi­niń avtory. Sondaı-aq Aqtaý qa­lasyn­da teńiz jaǵasyna plastık, beton­nan parktik músinder toptamasyn jasap, L.N.Gýmılev atyndaǵy Eýrazııa ýnı­­versıtetiniń murajaıynda gıps­ten av­tor­lyq «Bolashaq danyshpan» atty músindi somdady jáne Qosta­naı qalasyndaǵy Ekinshi dúnıejúzilik soǵys ardagerlerine arnalǵan 40 bıýs­tiń avtor­larynyń biri.

Aldyna úlken maqsattar qoıǵan Bolatbektiń eńbegine halyq joǵary baǵa berýde. Oıy tereń, qııaly júırik, shynaıy sheberdiń týyndylary­na qarap músin ónerinde batyr­dy jalań qaýqıtyp, jyraý­dy dombyramen qonjıtyp, aqyn-jazýshyny ústelge tańyp jasaı salatyn qaradúrsin ıdeıa aýylynan alystadyq dep qýanýǵa bolatyndaı. Bolat­bek qoltańbalaryndaǵy qaza­qylyqqa tán qunarly boıaý, shynaıy kórinis, tarıhı de­rek, mahabbat, sezim men da­ryn­dylyq, sondaı-aq oılaný, tolǵaný, shabyttaný, sha­myr­qaný, arqalaný tárizdi kóńil kúı sátteri bir-birimen toǵysqan tutastyq kózge uryp, kóńilge qona ketedi.

Bolatbektiń ónerge qush­tarlyǵyn oıatqan ákesi Erke­baı Salaev jeke kásipker bol­sa, anasy Baqtygúl Aqmyr­zaeva «Qazaqstan temir joly» ­kompanııasynda qyzmet at­qa­rady. Jubaıy «Naz» bı teatry­nyń balet ártisi Qu­ra­laı ekeýiniń otbasynda Abdý­rahman men Beıbarys atty órender ósip keledi.

О́z isine qyzyǵýshylyqpen, jaýap­kershilikpen qaraıtyn Bolatbek syndy jas músin­shi­ler elimizdiń eskertkish sala­syn­daǵy jańa beınesin qalyp­tastyrady dep senemiz.

Mańǵystaý oblysy