Qazaqstandyq avtobıznes qaýymdastyǵynyń dereginshe, qazaqstandyq dılerler 10 668 jeńil jáne jeńil kommersııalyq avtomobıldi, sonymen qatar 743 birlik júk kólikteri men avtobýsty satqan. Jyldyq esepteý boıynsha kórsetkishter 2021 jylǵy derekke jýyqtaıdy. Bıyl kúzge deıin 74 953 kólik satylsa, byltyr bul 76 090 birlik bolǵan.
Reseıden keletin ımporttyń aıtarlyqtaı qysqarǵanyna qaramastan, Qazaqstandaǵy avtokólik bıznesi jaqsy jumys istep tur. О́ndirýshiler quramdas bólikterdi jetkizýdiń jańa joldaryn tabýda, al ishki naryq jańa modeldermen tolyǵyp jatyr. Importtaýshylar men dılerler de jańa brendterge jedel ıkemdelip jatyr. Qaýymdastyqtyń vıse-prezıdenti Anar Maqashevanyń aıtýynsha, Reseıden keletin ımporttyń birneshe ese qysqarýy aıasynda avtomobıl bıznesi jyldam qalpyna kelýdi jalǵastyryp jatyr.
Tamyz aıynda eń kóp satylǵan úsh avtomobıl – Chevrolet (3854), Hyundai (2226) jáne Kia (1485). Toyota markasynyń – 998 kóligi, Lada-nyń – 592 kóligi, Chery-diń 519 birligi satylǵan. Jetinshi oryndaǵy JAC markasynyń 292-si satylsa, segizinshi orynda 233 birlik satylymmen EXEED jańa markasy tur. Odan keıin 231 birlik satylymmen Lexus. Úzdik ondyqty 59 birlik satylymmen Renault túıindeıdi.
Al tamyz aıynda eń kóp satylǵan modelderdiń alǵashqy ondyǵyna myna úlgiler kiredi – Chevrolet Cobalt, Chevrolet Nexia, Hyundai Tucson, Kia Sportage, Toyota LC Prado, Hyundai Elantra, Kia K5, Chery Tiggo 8 Pro, Chevrolet Equinox jáne Lada Vesta.
Infografıkany jasaǵan Amangeldi Qııas, «EQ»
Tutynýshylar tarapynan eń úlken suranysqa ıe bes brendti aıtar bolsaq, olar – Chevrolet, Hyundai, Kia, Toyota jáne Lada. Jalpy, Chevrolet sońǵy segiz aı boıy kóshbasshylyqty myǵym ustap tur.
