Qalalyq senbilik qys mezgiline daıyndyq, abattandyrý, kógaldandyrý jáne sanıtarlyq tazalyq jumystary maqsatynda júrgizildi.
Senbilikke 65 myńnan astam adam belsendi qatysty, olardyń ishinde aýdandyq ákimdikter, kommýnaldyq kásiporyndar, turǵyndar, stýdentter, eriktiler, ekobelsendiler, PIK jáne MIB ujymdary, áskerı qyzmetshiler men memlekettik mekemelerdiń, sondaı-aq 33 024 kásiporyndar men uıymdar da bar.
Astanalyq polıgonǵa 747 tonna qaldyq jınalyp, shyǵaryldy. Sondaı-aq, jalpy aýdany 2,5 mln sharshy metrden astam saıabaqtar men gúlzarlar tazartylyp, 1 myńnan astam aǵash otyrǵyzyldy.
Senbilik aıasynda Clean City NC JShS kompanııasy «QR MKQ ardagerler odaǵy» RQB janyndaǵy «Jas qalqan» áskerı-patrıottyq klýbyna múshe balalardyń qatysýymen qaldyqtardy bólek jınaýdy úgitteý boıynsha oıyndar ótkizdi, keıin alǵys hattar men shaǵyn syılyqtar tabys etildi.
Aıta ketsek, «Birge taza Qazaqstan» ekologııalyq aılyǵy aıasynda ár senbi saıyn 15 qazanǵa deıin 4 kommýnaldyq senbilik ótedi.
Sondaı-aq, aılyq aıasynda 10 myńnan astam jasyl jelek otyrǵyzý josparlanǵan.
