Áleýmettik kodeks, Salyq kodeksi qabyldanady. Ekonomıkadaǵy oıyn erejeleri ózgeredi. Ken óndirýshilermen jáne basqalarmen qarym-qatynas basqa baǵytta órbıdi. Kez kelgen qalyptasqan jańa ınstıtýt jańa múmkindikter jáne jańa demokratııalyq úrdistermen qatar, jańa qaqtyǵystar týǵyzady. Osynyń bárin eskere otyryp, Parlament Prezıdenttiń ókilettik merzimin sozyp, bir ǵana márte saılanýyn qoldady. Iаǵnı bolashaqta eshqandaı Prezıdenttiń bılikti basyp alyp, monopolızasııalaýyna, ýzýrpasııalaýyna jol bermeıtin sheshim qabyldady.
Ekinshi jaǵynan, qoǵamnyń pikirin, osy kezge deıin qalyptasqan máselelerdi eskere kele, halyqtyń ishinde jik salǵan, bólip-jarǵan elordanyń eski ataýyn qaıtarý týraly tarıhı sheshim qabyldandy dep aıtýǵa bolatyn shyǵar. Sol sebepti Májilis pen Senat birlesken otyrysta osyndaı sheshimge keldi.
Qasym-Jomart Toqaev – úlken saıası tulǵa, qaıratker. Árıne, elorda ataýyn ózi usynǵandyqtan, bul sheshimge barý ońaıǵa soqqan joq. Baıqasańyz, Joldaýdyń erteńine «Ádiletti Qazaqstan» depýtattyq toby óz usynysyn jarııalady. Prezıdent bir aptadaı oılandy, saıası konsýltasııa júrgizdi. Menińshe, bul úlken jaýapkershilikten týyndaǵan sheshim. О́ıtkeni qoǵamdyq pikirdi de eskerý kerek. Bul – ómirdiń logıkasy ákelgen tarıhı sheshim. Tarıh dál qazir kóz aldymyzda jazylyp jatyr, ózgerip jatyr. Biz osy tarıhı kezeńniń bir bólshegi bolyp otyrmyz.
Aıdos SARYM,
Májilis depýtaty
