22 jastaǵy J. Qulambaeva latvııalyq Darıa Semenıstaıamen birge fınalda qytaılyq Djıng Lıý jáne bosnııalyq Anıta Vagner jubyn 6:2, 6:2 esebimen tize búktirdi.
Kezdesý bir saǵattan astam ýaqytqa sozyldy.
Osylaısha, Jibek bıylǵy maýsymda ITF jarystarynda besinshi tıtýlyna qol jetkizdi. Ol sporttyq jolynda juptyq synda barlyǵy 19 ret úzdik shyqqan. Oǵan qosa, jekeleı synda eki márte chempıon atandy.
Sondaı-aq qazaqstandyq jasóspirimder Bakýde 14 jáne 16 jasqa deıingiler arasynda Tennis Europe dodasynda tabysty óner kórsetti. Atap aıtqanda, Team Kazakhstan akademııasynyń túlekteri Demıd Gorbachev pen Mansur Sháken juptyq synda eshkimdi shydatpady. Olar sońǵy básekede ırandyq Kırash Hanıfı - túrkııalyq Barýk Sıvaslıden aılasyn asyrdy. Esep – 6:2, 6:2. Jekeleı synda Demıd fınalda túrkııalyq Býgra Ozkochqa ese jiberdi. Esep – 2:6, 4:6.
Bakýde Arıana Gogýlına men Arýjan Nuranbaı fınalda reseılikter Vlada Gýreleva - Ýlıana Hrabavetske jol berdi. Esep – 2:6, 4:6. Jekeleı synda Arıana tartysty matchta V. Gýrelevadan utyldy. Esep – 1:6, 6:4, 0:6.
