Qasym-Jomart Toqaev Emomalı Rahmonǵa jáne tájik halqyna barsha qazaqstandyqtardyń jáne jeke óziniń atynan tájik-qyrǵyz shekarasynda bolǵan qaıǵyly oqıǵa saldarynan kóptegen jaýynger men beıbit turǵyndardyń qaza tabýyna baılanysty kóńil aıtty.
– Baýyrlas jáne dostas memleketterdegi bul qaıǵyly oqıǵa bizdi qatty alańdatady. Qazaqstan aımaqtaǵy kez kelgen daýly máseleni tek beıbit jolmen jáne saıası dıplomatııalyq ádistermen sheshýdi jaqtaıdy, – delingen jedelhatta.
Qazaqstan Prezıdenti qaza tapqandardyń týystary men jaqyndaryna kóńil aıtyp, zardap shekkenderdiń tezirek saýyǵyp ketýine tilektestik bildirdi.
