«QazAlkoTemeki» qaýymdastyǵynyń basshysy Ámirjan Qalıev qoǵamda beleń alǵan bul máselege túsinikteme berdi. Onyń aıtýynsha, naryqta jasandy kóshirmelerdiń paıda bolýy temeki óndirýshiler tarapynan lobbızmge baılanysty oılastyrylmaǵan retteýlermen baılanysty.
Aıta ketsek, bıyl Májiliste qyzdyrylatyn temeki buıymdarǵa aksızderdi 3,5 ese kóterý týraly sheshim qabyldandy.
«Qyzdyrylatyn temeki buıymdary qarapaıym temekige qaraǵanda densaýlyqqa áldeqaıda az zııan keltiredi. Sebebi temekiniń mundaı túrinen tútin shyqpaıdy. Shylymǵa áýes qazaqstandyqtar bul medısınalyq faktini burynnan teksere bastaǵan. Qazaqstandyq temeki naryǵynda QTB aınalymy 1,5-ten 12 paıyzǵa deıin óskeni de osyǵan baılanysty», dedi Á.Qalıev.
Alaıda «temeki patshalary» da satylymdy joǵaltqysy kelmeıtini anyq. Á.Qalıevtiń pikirinshe, temeki ódirýshileriniń múddeleri ult densaýlyǵyna qaıshy keledi.
«Bul túzetýlerdiń qabyldanýy Qazaqstanda dástúrli temeki óndirýshilerdiń turaqty lobbıiniń qalyptasqanyn taǵy da dáleldeıdi», dedi «QazAlkoTemeki» basshysy.
Onyń aıtýynsha, depýtattardyń belgili bir toby veıptiń QTB-dan aıyrmashylyǵyn túsinbeı, qoǵamdyq talqylaýsyz jáne bıznes-qoǵamdastyqtyń kelisiminsiz aksızderi kóterý sheshimin qabyldady.
Á.Qalıevtiń baǵalaýy boıynsha, bul túzetýler arqyly bıýdjetke qosymsha 49 mlrd teńge kóleminde qarjy túsip qana qoımaı, qyzdyrylatyn temeki satylymy da tómendeıdi. Biraq qaltasy QTB baǵasyn kótermeıtin temeki shegýshiler arzan kontrafaktilik ónimderdi satyp alý arqyly ózderin ári qaraı ýlandyra beredi.
Bul rette sarapshy májilismenderge ult densaýlyǵy máselesin oılaıtyn damyǵan elderdiń keısterine nazar aýdarýdy usynady. Máselen, Ulybrıtanııa men Japonııada QTB aksıziniń dástúrli temekige qatynasy 30-40% aralyǵynda belgilengen. Osynyń arqasynda atalǵan elderde temeki QTB-ǵa qaraǵanda qymbatyraq, al temeki shegýshiler zııany azyraq tútinsiz gadjetterdi tańdaıdy.
