Komıtet aqparatyna sáıkes, deklarasııalanbaǵan qolma-qol aqsha somasy 498 454 908 teńgeni qurady, bul - 1 083 599 AQSh dollary. Osylaısha, buzýshylyqtar boıynsha aıyppul somasy 1 700 000 teńgeden asty.
Máselen, 9 qyrkúıek kúni Astana qalasynyń «Nursultan Nazarbaev» halyqaralyq áýejaıynda Dýbaıǵa baǵyttalǵan halyqaralyq áýereısimen ketip bara jatqan jolaýshylar kedendik baqylaýdan ótkennen keıin Astana qalasy boıynsha MKD «Áýejaı-Astana» keden beketiniń qyzmetkerleri áýejaıdy tekserý qyzmetkerlerimen birge Qazaqstan azamatyn toqtatty. Ustaý kezinde azamattan deklarasııalanbaǵan aqsha qarajaty tabyldy. Azamat 56 750 AQSh dollaryn elden shyǵarmaq bolǵan. Zań buzýshy aqshanyń bir bóligin aıaq kıiminiń ultaraǵynyń astyna, al qalǵan bóligin qol júgine jasyrǵan.
«25 tamyz kúni Dýbaıǵa baǵyttalǵan halyqaralyq áýereısimen ketip bara jatqan jolaýshylar kedendik baqylaýdan ótkennen keıin Qazaqstan azamatyn toqtatty. Ustaý kezinde 14 100 AQSh dollary kóleminde deklarasııalanbaǵan aqsha qarajaty anyqtaldy», dep qosty komıtetten.
