Parlament • 22 Qyrkúıek, 2022

Respýblıka kúnine ulttyq mereke mártebesin qaıtarý týraly zań qabyldandy

913 ret kórsetildi

Senat depýtattary 25 qazandy ulttyq mereke – Respýblıka kúni dep belgileý týraly zań jobasyn qoldady, dep habarlaıdy Egemen.kz.

Atalǵan joba «Qazaqstan Respýblıkasynyń keıbir zańnamalyq aktilerine kınematografııa jáne mádenıet máseleleri boıynsha ózgerister men tolyqtyrýlar engizý týraly» zań jobasyna engizildi.

«Qazaqstan Respýblıkasyndaǵy merekeler týraly» zańǵa mynadaı ózgerister engizý josparlanýda:

25 qazandy ulttyq mereke – Respýblıka kúni dep belgileý;
16 jeltoqsan memlekettik mereke – Táýelsizdik kúni bolyp bekitiledi.

Sondaı-aq 1 jeltoqsan – Tuńǵysh Prezıdent kúnin merekelik kúnder tiziminen alynady.

Zań el Prezıdentiniń qol qoıýyna usynylady.

«25 qazan ulttyq mereke - Respýblıka kúni bolyp bekitildi. Bul tarıhı jáne óte mańyzdy sheshim. Elimizdiń táýelsizdigi shynymen de osy kúnnen bastalady. Sondyqtan bul kúnniń ulttyq mereke retinde belgilenýi mańyzdy qadam. Memlekettilik pen egemendiktiń tuǵyry. Bolashaqta bul mereke táýelsizdikti dáriptep, nyǵaıta túsýge septigin tıgizedi dep senemiz», dedi Senat spıkeri Máýlen Áshimbaev Senat otyrysynda.

Ulttyq Quryltaıdyń birinshi otyrysynda Prezıdent Qasym-Jomart Toqaev Respýblıka kúnine ulttyq mereke mártebesin qaıtarýdy usyndy.

«Respýblıka kúni elimizdiń memlekettilikke degen batyl qadamynyń nyshany bolýy tıis. Árıne, Táýelsizdik kúni basty memlekettik mereke bolyp qala beredi. Bul kúni táýelsizdikke qol jetkizýge zor úles qosqan halyq qaharmandary qurmettelýi kerek», dedi Memleket basshysy.

Buǵan deıin Qazaqstanda Respýblıka kúni 25 qazanda – 1990 jyly Qazaq KSR-niń memlekettik egemendigi týraly Deklarasııa qabyldanǵan kúni toılanatyn, sondaı-aq demalys kúni bolyp bekitiletin.  2009 jyldan bastap Respýblıka kúni memlekettik mereke retinde atalmaı keldi.

Sońǵy jańalyqtar

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar