Aımaqtar • 23 Qyrkúıek, 2022

Bal túsimin tonnalap ólsher edi...

62 ret kórsetildi

Shyǵysta baldyń otany – Ka­ton­qa­raǵaı. Ásirese Korobıha, Barlyq sekildi taý ishindegi aýyl­da­­rynyń ár aýlasy ara baǵyp, bal shaıqaıdy. Katonnyń ózinde de bal sapyryp otyr­ǵandar az emes. Keshe ǵana aralaryn qys maýsymyna daıyndap júr­gen omartashy Ǵarap Sa­fındi kórip, sharýashylyqtyń aýjaıyn surasqanmyn.

– Jazdaı buıyrǵan baldy shaıqap aldyq. Endi qymtap, orap, qystyń qamyn jasaı berý kerek. О́ziń bilesiń, bıyl jaýyn-shashyn az tústi. Shóp kúıip ketti. Kúıgen shópte nil bolsyn ba?! Al baldyń túsý mólsheri shóptiń niline baılanysty, – deıdi omartashy uıanyń qaqpaǵyn jaýyp jatyp.

Ǵarap Safın sonaý Keńes ókimeti tu­syn­da Korobıha aýylynda omarta­shy­nyń arnaıy oqýyn oqyp, kásibı turǵyda iske kirisken. Keıin basqa jumysqa aýys­qa­nymen, ara baǵýdan qol úzgen joq. Aıtýynsha, sonaý jyldary ara tuqymyn asyl­dandyryp, ǵylymı turǵydan qarap baǵa­tyn. Qazir qolǵa túsken arany ósire beretin kórinedi. Iаǵnı asyldandyrý jumystary umyt bolǵan. Sonyń ózinde kópshilik Katonqaraǵaıdyń balyn izdep júrip alady. Suranys óte joǵary. Álbette, myń túrli shópten súzilgen bal dámdi bolmaı ma?! Dámi óz aldyna, adam aǵzasyna degen paıdasy zor. О́ńirde týrızm dóńgeleı bastaǵaly bal ǵana emes, aranyń sútine deıin satylatyn boldy. Ara súti dep otyrǵanym, jumysshy bal arasynyń bezinen shyǵatyn bıogendik qa­sıeti bar zat. Eger de, adam gıpotonııa, bet terisiniń aýrý­la­ryna shaldyqsa, júıke júıesi qyzmeti buzylsa, ara súti taptyrmas em. Ala jazdaı tynymsyz eńbektenetin jumysshy ara sútti qoıyp, baldyń ózin tirnektep jınaıdy. Tirnektep jınap, tonnalap ólsheter edi. Shóp suıyq jyldary 6-7 shaqyrymǵa deıin ushyp, ta­ry­nyń qaýyzyndaı ǵana bal ákeledi eken.

– Jaýyn-shashyn mol túsip, shóp jaıqalsa, ara da damylsyz eńbektenedi. Seni shaqpaıdy da. Al bal bolmasa, ara yzaqor bolady. Bir jyldary osy Katonnyń mańynda eksparset, bede sekildi shóp jaqsy ósti. Alqap qyzyldy-jasyldy bolyp jaıqalyp jatqan. Sol jyldary baldy bir shaıqaǵanda jıyrma flıagqa deıin alyp júrdik, – deıdi Ǵarap Safın.

Iá, bıyl baldyń túsimi az bolǵanyn aýdandyq aýyl sharýashylyǵy mamandary da rastap otyr. Esep-qısaptaryna qarasaq, 350-ge jýyq omartadan 250-280 tonna ǵana bal túsipti. Áıtpese, keıbir jyldary túsim 400 tonnaǵa deıin jetken eken.

 

Shyǵys Qazaqstan oblysy,

Katonqaraǵaı aýdany

Sońǵy jańalyqtar

Messı jeńiske jeteleı almady

Fýtbol • Búgin, 07:35

Shırek fınalǵa ótti

Tennıs • Búgin, 07:33

Tórtinshi orynǵa turaqtady

Tennıs • Búgin, 07:32

Jýrnalıster arasyndaǵy jarys

Qoǵam • Búgin, 07:30

Júldeniń aýyly alys emes

Sport • Búgin, 07:28

Shırek fınalǵa shyqqandar belgili

Sport • Búgin, 07:27

Barymtaǵa – «qarymta»

Qoǵam • Búgin, 07:25

Asyq atýdan álem chempıony

Ulttyq sport • Búgin, 07:24

Úzdik pedagogke – jeńil kólik

Bilim • Búgin, 07:22

Adam kapıtalyn arttyrýǵa arnalady

Ekonomıka • Búgin, 07:20

Jańa qundylyqtar – bılik ózegi

Pikir • Búgin, 07:18

Jańa reformaǵa senim zor

Pikir • Búgin, 07:16

Kóptiń kókeıindegini dóp basty

Pikir • Búgin, 07:15

Jol jaqsarmaı, is ońǵarylmaıdy

Pikir • Búgin, 07:13

Úmit sózi

Pikir • Búgin, 07:12

Bul – bolashaqtyń tańdaýy

Pikir • Búgin, 07:08

Ashyqtyqty arttyratyn ıgi ister

Qazaqstan • Búgin, 07:05

Quqyq ústemdigi – kelisim kepili

Qazaqstan • Búgin, 07:03

Judyryqtaı jumylý eldi jigerlendiredi

Saıasat • Búgin, 07:02

Erteńimiz úshin utymdy sheshim

Saıasat • Búgin, 07:00

Alashtyń aq joly ardaqtaldy

Saıasat • Keshe

Kemedeginiń jany bir...

Saıasat • Keshe

Kásip kózi – násip kózi

Ekonomıka • Keshe

Tuńǵysh tóraǵanyń toıy

Qazaqstan • Keshe

Ormanmen syrlasqan ǵalym

Aımaqtar • Keshe

Lývrda qalǵan shyraǵdan

Suhbat • Keshe

Sheberler sherýi

О́ner • Keshe

Uqsas jańalyqtar