Qazaqstan • 23 Qyrkúıek, 2022

Senator Reseı Memlekettik Dýmasy depýtatynyń málimdemesine qatysty pikir bildirdi

98 ret kórsetildi

Qazaqstan Respýblıkasy Parlamentiniń Senaty Halyqaralyq qatynastar, qorǵanys jáne qaýipsizdik komıtetiniń Tóraǵasy Muhtar Qul-Muhammed Reseı Memlekettik Dýmasy depýtatynyń daýly málimdemesine qatysty pikir bildirdi, dep habarlaıdy Egemen.kz.

Jaqynda Reseı Federasııasy Memlekettik Dýmasynyń depýtaty, TMD isteri, eýrazııalyq ıntegrasııa jáne otandastarmen baılanys jónindegi komıtet tóraǵasynyń birinshi orynbasary Konstantın Zatýlın «Qazaqstannyń Reseımen qarym-qatynastaǵy taıǵaq joly» týraly málimdep, «Reseı Federasııasymen eń uzyn qurlyq shekarasy bar el retinde basyn qaterge tigip otyr» degen edi.

Muhtar Qul-Muhammed osyǵan baılanysty óz pikir bildirdi.

«Depýtat Zatýlın óziniń reıtıngi tómendep, tanymaldyǵy báseńdeı bastaǵanda dereý osylaı eldi arandatatyn málimdemeler jasaı bastaıdy. Mundaı jaǵdaı buǵan deıin de bolǵan jáne bir ret qana emes. Qazaqstandyq bankter «Mır» bank kartasyna qatysty óte durys áreket jasady. Birinshiden, bizdiń elimizde ekinshi deńgeıli bankterdiń bári jeke bankter. Sondyqtan olar qandaı bank kartasymen jumys isteý paıdaly jáne yńǵaıly ekenin ózderi anyqtaıdy. Ekinshiden, sońǵy ýaqytta «Mır» kartasyna qatysty daý-damaı kóbeıip ketkeni belgili. Al, aqsha, ádette, tynyshtyqty jaqsy kóredi. Sondyqtan depýtat «alańdaýshylyǵy» men «narazylyǵyn» ózi sııaqtylardyń kesirinen qıyn jaǵdaıǵa tap bolǵan ózderiniń bank júıesine bildirsin. Tipti bizge aqyl aıtpas buryn, sanksııalar tiziminen qalaı shyǵatynyn oılanyp alsyn. «Qazaqstannyń taıǵaq joly» degenniń ózi baıaǵyda-aq sol jolmen júrip kele jatqanyn bári biledi.

Bul depýtat jazda da bizdiń elge qatysty sóılep, «bári Ýkraınadaǵydaı bolýy múmkin» dep qorqytpaq bolǵan. Al, Ýkraınada ne bolǵanyn Reseıde jarııalanǵan mobılızasııadan-aq kórip otyrmyz. Sondyqtan reseılik depýtatqa aldymen óziniń negizsiz oılary men beıbereket sózderin túzep alǵany durys», dedi senator Muhtar Qul-Muhammed.

Sońǵy jańalyqtar

Dollar baǵamy 3 teńgege kóterildi

Qarjy • Búgin, 16:38

Qazaq balýany ulyqtaldy

Qoǵam • Búgin, 14:36

6 jeltoqsan - Prokýratýra kúni

Qazaqstan • Búgin, 13:00

SQO-da 50 jylqy muz astynda qaldy

Aımaqtar • Búgin, 09:18

Ábsattar Derbisáli atyndaǵy dárishana

Aımaqtar • Búgin, 08:17

Qazaqstan tájirıbesi joǵary baǵalandy

Saıasat • Búgin, 08:15

Ashyqtyq – mańyzdy ustanym

Saıasat • Búgin, 08:10

Baǵa bulqynysy

Ekonomıka • Búgin, 08:09

Uqsas jańalyqtar